Þeba félagsmiðstöð

Félagsmiðstöðin Þeba er starfrækt allt skólaárið og er undir stjórn Frístundadeildar Kópavogsbæjar. Félagsmiðstöðin er staðsett í Smáraskóla. Markmið félagsmiðstöðvarinnar er að bjóða upp á markvisst frístunda- og forvarnarstarf undir handleiðslu fagfólks. Lögð er áhersla á lýðræði, virka þátttöku, uppbyggingu sjálfsmyndar, ánægju og gleði. Í félagsmiðstöðinni er bæði boðið upp á opið starf og hópastarf, sem miða bæði að því að stuðla að auknum félagsþroska, samskiptahæfni, þátttöku og ábyrgð. Kópavogsbær er barnvænt sveitarfélag. Félagsmiðstöðvar Kópavogs hafa greinar Barnasáttmála Sameinuðu Þjóðanna að leiðarljósi í öllu sínu starfi, og vinna markvisst að því að uppfylla réttindi barna og ungmenni.

Vinnustaðurinn

Aðstoðarforstöðumaður

Aðstoðarforstöðumaður óskast í félagsmiðstöðina Þebu

Félagsmiðstöðin Þeba er staðsett í Smáraskóla. Í Þebu er lögð áhersla á að bjóða upp á uppbyggilegt frístundastarf fyrir börn og unglinga í 5.-10.bekk. Áhersla er lögð á að ná til þeirra sem þarfnast félagslegs stuðnings og að bjóða upp á fjölbreytileg viðfangsefni sem byggir á vali barnanna. Félagsmiðstöðvastarfinu er jafnframt ætlað að styðja við samskipta- og félagsfærni, sjálfseflingu, sköpun og heilbrigði.

Aðstoðarforstöðumaður er nánasti samstarfsmaður forstöðumanns og vinnur að mótun faglegs starfs og starfsáætlun í samráði við forstöðumann og frístundadeild Kópavogsbæjar. Aðstoðarforstöðumaður vinnur í anda lýðræðis og vinnur markvisst að því að auka sjálfstæði, ábyrgð og virkni þeirra sem taka þátt í starfinu.

Helstu verkefni og ábyrgð

Aðstoðarforstöðumaður er staðgengill forstöðumanns og nánasti samstarfsaðili.
Aðstoðarforstöðumaður vinnur að mótun faglegs starfs og starfsáætlun í samráði við forstöðumann.
Aðstoðarforstöðumaður hefur umsjón með skipulagi daglegrar starfsemi félagsmiðstöðvarinnar og skipuleggur hópastarf fyrir nemendur í 5.-10. bekk í samráði við forstöðumann.
Hefur umsjón með samskiptum við foreldra/forsjáraðila vegna barna og unglinga þeirra í samráði við forstöðumann.
Fylgist vel með líðan og velferða barna og unglinga og leiðbeinir í samskiptum þeirra.
Hefur umsjón með skipulögðu frístundastarfi ólíkra hópa barna og unglinga í samræmi við þeirra þarfir í samráði við forstöðumann.
Tekur þátt í innkaupum fyrir félagsmiðstöðina í samráði við forstöðumann.

Menntunar- og hæfniskröfur

Stúdentspróf, sambærileg menntun og eða starfsreynsla sem nýtist í starfi.
Reynsla af stjórnun og skipulögðu starfi með börnum æskileg.
Hæfni til að skipuleggja faglegt starf og veita því forystu.
Jákvætt viðmót og ánægja af að vinna með börnum og unglingum.
Færni í mannlegum samskiptum og sköpunargleði.
Frumkvæði og sjálfstæði í störfum.
Góð skipulagshæfni og fagleg vinnubrögð.
Góð íslenskukunnátta.

Fríðindi í starfi

Starfsfólk Kópavogsbæjar fær frían aðgang að sundlaugum bæjarins.

Um er að ræða 80% starfshlutfall. Umsóknarfrestur er til og með 6. júní 2025.

Launakjör eru samkvæmt kjarasamningi Samband íslenskra sveitarfélaga og viðeigandi stéttarfélags.

Allir einstaklingar sem ráðnir eru til starfa í félagsmiðstöðvar Kópavogs þurfa að gefa heimild til upplýsingaöflunar úr sakaskrá og undirrita trúnaðaryfirlýsingu.

Tekið verður mið af jafnréttisstefnu Kópavogsbæjar og jafnréttislögum við ráðningu í starfið.

Tekið er á móti umsóknum í gegnum ráðningarvef Alfreðs.

Nánari upplýsingar um starfið gefur Dúna Baldursdóttir forstöðumaður félagsmiðstöðvarinnar Þebu, netfang [email protected] eða vinnusími 696-1624.

Auglýsing birt27. maí 2025

Umsóknarfrestur6. júní 2025

Tungumálahæfni