Fastus

Þann 1. janúar 2024 sameinuðust fyritækin Fastus, Expert, Expert kæling og GS Import undir einni kennitölu. Hið sameinaða félag heitir Fastus ehf. en skiptist í tvö meginsvið; Fastus heilsu og Expert. Af þessu tilefni hefur farið fram gagnger endurskoðun á útliti fyrirtækjanna og heildarásýnd. Fastus ehf er framsækið þjónustufyrirtæki sem sér fyrirtækjum og stofnunum fyrir hágæða vörum, tækjum og búnaði. Markmið okkar hefur frá upphafi verið að byggja upp lifandi fyrirtæki sem skarar fram úr á krefjandi markaði og vera fyrsti valkostur viðskiptavina, birgja og annarra samstarfsaðila. Forsenda þess er þekking, reynsla og metnaður starfsfólks sem nýtur þess að ná árangri og vaxa með hverju verki.

Vinnustaðurinn

Aðalbókari

Við leitum að öflugum og nákvæmum aðalbókara sem hefur yfirgripsmikla reynslu af bókhaldi og fjármálastýringu. Ef þú hefur brennandi áhuga á fjármálum og vilt starfa í krefjandi og spennandi umhverfi þar sem fagmennska og nákvæmni eru í fyrirrúmi, þá hvetjum við þig til að sækja um.

Helstu verkefni og ábyrgð

Sjálfstæð og ábyrgðarmikil vinna þar sem markvisst skipulag og eftirfylgni skiptir lykilmáli.
Ábyrgð á fjárhagslegri eftirfylgni og eftirliti með kostnaði og tekjum.
Þjónusta við innri aðila og aðra hagsmunaaðila.
Fagleg ábyrgð á verkefnum, en helstu ákvarðanir eru teknar í samráði við yfirmann.
Færsla bókhalds og uppsetning reikninga fyrir uppáskriftarkerfi.
Framkvæmd mánaðarlegra og ársfjórðungslegra uppgjöra og samskipti við endurskoðendur.
Yfirumsjón með afstemmingum, þ.m.t. fjárhagsbókhald, viðskiptamenn, innlenda lánadrottna og bankaafstemmingar.
Bókun erlendra og innlendra greiðslna.
Önnur tilfallandi verkefni sem tengjast fjármálastjórnun og rekstri.

Menntunar- og hæfniskröfur

Viðeigandi menntun á sviði bókhalds, fjármála eða rekstrar, svo sem háskólapróf, fagmenntun eða önnur sambærileg menntun sem nýtist í starfi.
Talsverð starfsreynsla á sviði bókhalds og fjármála.
Frumkvæði og sjálfstæði í starfi ásamt skipulagshæfni og nákvæmni.
Góð samskiptafærni og hæfni til að miðla upplýsingum á íslensku og ensku.
Góð þekking á bókhaldskerfum og almenn tölvukunnátta.
Þekking á noktun RPA (sjálfvirknivæðingu viðskiptaferla) er kostur

Fríðindi í starfi

Samgöngustyrkur
Líkamsræktarstyrkur
Mötuneyti
Sveigjanlegur vinnutími

Við veitum framúrskarandi þjónustu og bjóðum fjölbreytt vöruframboð. Við erum samstilltur hópur fagfólks sem hefur ánægju af okkar störfum og leggjum metnað okkar í að skilja þarfir og kröfur viðskiptavina.

Við kunnum að meta lausnamiðað hugafar, þverfaglegt samstarf, frumkvæði og hæfni til að laga sig að síbreytilegu umhverfi. Félagið hefur hlotið jafnlaunavottun og hjá félaginu er starfandi kraftmikið starfsmannafélag.

Við hvetjum áhugasama aðila, án tillits til kyns og uppruna, til að sækja um. Með umsókn um starfið þarf að fylgja kynningarbréf og starfsferilskrá. Nánari upplýsingar um starfið veitir Arnar Bjarnason, fjármálastjóri fyrirtækisins, [email protected] og Geir Andersen mannauðsstjóri [email protected]

Auglýsing birt7. febrúar 2025

Umsóknarfrestur21. febrúar 2025

Tungumálahæfni

Engar sérstakar tungumálakröfur

Staðsetning

Höfðabakki 7, 110 Reykjavík

Starfstegund

Hæfni