Orka náttúrunnar

Orka náttúrunnar framleiðir ekki bara umhverfisvæna orku fyrir heimili, fyrirtæki og farartæki heldur leggur líka ríka áherslu á rannsóknir og nýsköpun til að tryggja komandi kynslóðum betri lífsgæði. Vernda, styrkja og endurheimta er grunnstefið í umgengni ON við náttúruna og er stolt starfsfólksins. Orka náttúrunnar hefur sett sér það markmið að verða kolefnishlutlaust árið 2030. Mörg skref hafa verið tekin í þá átt og hafa sömuleiðis mörg verkefni, sem unnin eru í samstarfi við okkar fremsta vísindafólk, hlotið verðskuldaða athygli víða um heim.

Vinnustaðurinn

Ábyrgðaraðili varmastöðva í virkjunum ON

Orka náttúrunnar er leiðandi afl í nýsköpun og þróun endurnýjanlegrar orku.

Í virkjunum okkar framleiðum við rafmagn til allra landsmanna og heitt vatn fyrir íbúa höfuðborgarsvæðisins.

Við leitum að metnaðarfullum liðsauka í deild Orkuframleiðslukerfa í virkjunum Orku náttúrunnar.

Í starfinu felast fjölbreytt og krefjandi verkefni, þ.á.m. ábyrgða- og sérfræðihlutverk tengd búnaði varmastöðva, lofthreinsistöðva, vetnisstöðva og þrýstiloftskerfa í virkjunum okkar á Hellisheiði og Nesjavöllum.

Starfsstöð starfsins er í Hellisheiðarvirkjun en viðkomandi mun að auki sinna verkefnum sínum á öðrum virkjanasvæðum ON.

Helstu verkefni og ábyrgð

Á meðal helstu viðfangsefna starfsins er skipulagning viðhaldsverkefna í tengslum við búnað á borð við hita-, rennslis- og þrýstiskynjara, dælur, gíra, loka, loftpressur, loftþurrkara, lagnir o.fl.

Ábyrgðaraðili lofthreinsi-, vetnis- og varmastöðva skipuleggur verkefni, tryggir gott flæði þeirra, forgangsraðar í samráði við deildarstjóra eða þá samstarfsaðila sem við á hverju sinni og vinnur í takti við sjálfbærnistefnu ON.

Viðkomandi sér jafnframt um skipulagningu og eftirfylgni með smærri fjárfestinga- og umbótaverkefnum ásamt því að gegna stuðningshlutverki fyrir aðrar einingar í sambærilegum verkefnum.

Á meðal annarra verkefna er þátttaka í mótun ferla og umbóta í tengslum við flæði verka, þátttaka í þróun DMM viðhaldsstjórnunarkerfis ON og útgáfa verkbeiðna.

Í framangreindu felst m.a. gerð áhættumats, verklýsinga og áætlanagerða, öflun aðfanga, forgangsröðun verka og upplýsingagjöf til hagsmunaaðila

Menntunar- og hæfniskröfur

Tæknimenntun á sviði vélbúnaðar eða sambærilegra greina
Reynsla af vélbúnaði í iðnaðarrekstri, t.d. úr stóriðju, virkjunum eða sambærilegu starfsumhverfi
Reynsla af varmastöðvum, vetnisstöðvum, lofthreinsistöðvum og/eða þrýstiloftskerfum er kostur
Þekking á DMM viðhaldsstjórnunarkerfinu er kostur
Sterk samskiptafærni er mikilvæg þar sem starfið krefst náins samstarfs við deildarstjóra, tæknifólk og aðra hagaðila
Frumkvæði og lausnamiðuð hugsun
Góð tölvufærni. Reynsla af notkun viðhaldsstjórnunar- og/eða verkbeiðnakerfa er kostur
Þekking á öryggis- og umhverfismálum er kostur

Við tökum jafnréttið alvarlega

Við viljum hafa sem fjölbreyttastan hóp starfsfólks og hvetjum því öll kyn til að sækja um.

Umsóknarfrestur er til og með 13. október 2024.

Eingöngu er tekið á móti umsóknum á ráðningarvef ON, starf.on.is.

Nánari upplýsingar veitir Elvar Aron Björnsson, Deildarstjóri Orkuframleiðslukerfa í netfanginu elvarab@on.is.

Af hverju Orka náttúrunnar?

https://www.on.is/af-hverju-on/

Orka náttúrunnar er aflvaki sjálfbærrar framtíðar með grænni orku frá náttúru til viðskiptavina og leiðandi í nýsköpun og þróun endurnýjanlegrar orku.

Fyrirtækið framleiðir og selur rafmagn til allra landsmanna auk þess að framleiða heitt vatn fyrir höfuðborgarsvæðið.

Við rekum virkjanir á Hellisheiði, Nesjavöllum og við Andakílsá. Við erum leiðandi í umhverfisvænum orkuskiptum á Íslandi, nýtingu auðlindastrauma og höfum sett okkur metnaðarfull loftslagsmarkmið.

Við nýtum auðlindir Íslands af ábyrgð og nærgætni með það að leiðarljósi að bæta lífsgæði núna og í framtíðinni.

Hjá okkur ríkir jákvæður starfsandi sem einkennist af sterkri liðsheild, uppbyggilegum skoðanaskiptum og virðingu í samskiptum.

Við bjóðum upp á fyrsta flokks aðbúnað og fjölskylduvænan vinnutíma.

Hvernig vinnustaður er Orkuveitan?

Auglýsing birt27. september 2024

Umsóknarfrestur13. október 2024

Tungumálahæfni