Umhverfis- og skipulagssvið

Á Umhverfis og skipulagssviði er unnið að fjölbreyttum verkefnum sem eiga að auðga mannlífið í borginni. Nánar má lesa um sviðið hér: https://reykjavik.is/umhverfis-og-skipulagssvid Starfsfólk umhverfis- og skipulagssviðs býr yfir einstakri fagþekkingu í þeim málaflokkum sem sviðið sinnir og gegnir lykilhlutverki í því að gera Reykjavík að enn betri borg. Leiðarljós sviðsins eru aukin lífsgæði í Reykjavík með framúrskarandi þjónustu og metnaði fyrir enn betri borg.

Profil pracodawcy

Verkefnastjóri samgönguinnviða

Umhverfis- og skipulagssvið óskar eftir að ráða liðsfélaga á skrifstofu samgangna og borgarhönnunar. Á skrifstofunni starfar kraftmikill hópur sérfræðinga með brennandi áhuga á fjölbreyttum samgöngum og borgarhönnun með áherslu á sjálfbærni og fjölbreyttu, lifandi, og mannvænu borgarumhverfi.

Um er að ræða fjölbreytt og spennandi starf í faglegu starfsumhverfi þar sem áhersla er á teymisvinnu og góða þjónustu. Næsti yfirmaður sérfræðings er deildarstjóri samgangna. Skrifstofan er staðsett í Borgartúni 12-14.

Helstu verkefni og ábyrgð

Verkefnastýring frum- og forhönnunarverkefna á sviði samgangna.
Gerð áætlana, forgangsröðun fjármuna og nýframkvæmda í samræmi við stefnumörkun.
Umsjón með öflun gagna í tengslum við notkun á samgönguinnviðum eða þörf á breytingum á þeim.
Þátttaka í fjölbreyttum verkefnahópum á vegum skrifstofunnar og sviðsins, stefnumótun, skipulagsverkefnum auk framkvæmda‐ og fjárhagsáætlunargerðar.
Samskipti við hagsmunaaðila, félagasamtök, notendur og fjölmiðla eða aðra tengiliði vegna væntanlegra framkvæmda og kemur til móts við þarfir þeirra eins og kostur er.
Ráðgjöf um framgang og málsmeðferð einstakra verkefna sem falla undir sérsvið.
Kynningar fyrir samstarfsfólk, ráð og nefndir borgarinnar, aðrar stofnanir, hagsmunaaðila og íbúa vegna framkvæmda og áætlana borgarinnar.

Menntunar- og hæfniskröfur

Meistaragráða í verk- eða tæknifræði á sviði samgönguverkfræði eða sambærilegu sviði.
A.m.k. fimm ára starfsreynsla á sviði samgönguverkfræði eða sérfræðistörfum á sambærilegu starfssviði.
Mikil þekking á hönnun samgöngumannvirkja, umferðaröryggi, hljóðvist og skipulagsmálum. Þekking á stefnumörkun, áætlanagerð og virkni mismunandi samgönguinnviða.
Stjórnunarhæfileikar til að leiða teymisvinnu og stýra starfi aðkeyptra ráðgjafa.
Þekking og hæfni til að vinna og leiða greiningar- og þróunarverkefni varðandi nýja tækni í borgarsamgöngum
Hæfni til framsetningar og greiningar á flóknum gögnum og miðlun upplýsinga í ræðu og riti.
Rík þjónustulund, hæfni í mannlegum samskiptum og teymisvinnu.
Skipulögð, sjálfstæð og fagleg vinnubrögð.
Færni í notkun á algengum hugbúnaði sem tengist hönnun og greiningu á samgöngum.
Góð íslenskukunnátta og færni til að setja fram ritað mál fyrir stjórnsýslu borgarinnar (B1-B2) og enskukunnátta (B1-B2) í samræmi við samevrópskan tungumálaramma.
Þekking á þriðja tungumáli t.d. norðurlandamáli, þýsku eða pólsku er kostur.

Um er að ræða 100% starf.
Launkjör eru samkvæmt kjarasamningi Reykjavíkurborgar og hlutaðeigandi stéttarfélags.
Nánari upplýsingar um starfið veitir Bjarni Rúnar Ingvarsson, [email protected], deildarstjóri samgangna.

Utworzono ofertę pracy12. May 2025

Termin nadsyłania podań25. May 2025

Znajomość języków