Rio Tinto á Íslandi

Rio Tinto á Íslandi – í daglegu tali oft nefnt “ISAL” – hefur framleitt ál í Straumsvík frá árinu 1969 og notar til þess íslenska umhverfisvæna orku. Við framleiðum um 200 þúsund tonn af hágæðaáli á ári og sendum það til fjölmargra viðskiptavina víðsvegar í Evrópu. Þannig öflum við dýrmætra gjaldeyristekna fyrir íslenskt efnahagslíf og samfélag. Ál gerir daglegt líf okkar betra; það er meðal annars notað í bíla, flugvélar, byggingar, raftæki á borð við tölvur og síma, og umbúðir utan um matvæli, drykki og lyf. Mikil meirihluti áls er endurunninn sem þýðir að komandi kynslóðir geta notað það aftur og aftur með lítilli fyrirhöfn. Við erum fjölbreyttur vinnustaður tæplega 400 starfsmanna auk verktaka. Við kappkostum að vera í fararbroddi í öryggis-, heilbrigðis- og umhverfismálum og leggjum einnig mikla áherslu á starfsmenntamál og jafnrétti á vinnustað. Gildi okkar eru: umhyggja - hugrekki - framsækni

Profil pracodawcy

Vélaverkfræðingur eða véltæknifræðingur

Ertu til í spennandi tækniverkefni?

Rio Tinto á Íslandi óskar eftir að ráða vélaverkfræðing eða véltæknifræðing til starfa á Viðhaldssviði. Viðkomandi mun starfa í hópi sem sér um rekstur veitukerfa s.s. vatnsveitu, fráveitu, loftveitu, hitaveitu, loftræsti og kælimiðilskerfi.

Starfið felur meðal annars í sér að leysa verkefni sem koma upp í daglegum rekstri, að veita tæknilega aðstoð, endurnýjun búnaðar og þróun á viðhaldi búnaðar.

Í þessu starfi færð þú tækifæri til að takast á við spennandi tæknilegar áskoranir og vinna að lausnum sem stuðla að öruggum og skilvirkum rekstri veitubúnaðar álversins.

Helstu verkefni og ábyrgð

Endurbætur á búnaði veitukerfa.
Undirbúningur og eftirlit með framkvæmdum.
Umsjón með loftræsti- og kælimiðilskerfum.
Uppfærsla verklýsinga og verkáætlana.
Vinna við vélateikningar, utanumhald og skjölun.
Samskipti við birgja og verktaka.
Ýmis önnur verkefni.

Menntunar- og hæfniskröfur

Verk- eða tæknifræðimenntun á vélasviði.
Iðnmenntun er kostur.
Þekking og reynsla af notkun CAD-hugbúnaðar.
Jákvæðni og góð færni í mannlegum samskiptum.
Frumkvæði og hæfni til að vinna sjálfstætt sem og í hópi.
Góð íslensku- og enskukunnátta, bæði í ræðu og riti.

Fríðindi í starfi

Frítt fæði í mötuneyti.
Heilsustyrkur.
Fæðingarorlofsstyrkur allt að 18 vikur á óskertum launum.
Velferðartorg.
Þátttaka í hlutabréfakaupum.
Öflugt þjálfunar- og fræðslustarf.

Saman sköpum við fjölbreyttan, eftirsóknarverðan og umfram allt skemmtilegan vinnustað með hæft, áhugasamt og jákvætt starfsfólk. Við bjóðum upp á samkeppnishæf laun, fjölskylduvænt starfsumhverfi með áherslu á öryggi, jafnrétti og vellíðan starfsfólks sem er grunnurinn að framúrskarandi árangri.
Forsenda allra ráðninga hjá Rio Tinto er að standast læknisskoðun hjá trúnaðarlækni fyrirtækisins og undirgangast áfengis- og vímuefnaskimun.

Við hvetjum öll áhugasöm til að sækja um.

Umsóknarfrestur er til og með 25. maí.

Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu.

Umsjón með starfinu hafa Auður Bjarnadóttir ([email protected]) og Garðar Óli Ágústsson ([email protected]) hjá Vinnvinn.