Ráðgjafi kerfisbundins frágangs

NORCOM sérhæfir sig í kerfisbundnum frágangi tæknikerfa í byggingum.
Við vinnum náið með verkkaupum og hönnunarhópum frá fyrstu stigum forhönnunar og allt til verkloka, með það að markmiði að tryggja að virkni bygginga standist allar kröfur – hvort sem um ræðir kröfur verkkaupa, staðla eða opinberar reglugerðir.

Við leggjum sérstaka áherslu á að kröfur til virkni séu skýrt skilgreindar í hönnunargögnum og síðan sannreyndar í prófunarskýrslum við verklok. Verkefnin eru unnin í samræmi við aðferðarfræði kerfisbundins frágangs og ASHRAE Guideline 0-2019 for Commissioning.

Við nýtum LEAN hugmyndafræði í hönnunar- og framkvæmdarstjórn og bjóðum viðskiptavinum upp á sérhæfða ráðgjöf í notkun taktplanleggingar við gerð framkvæmdaáætlana. Þar notum við forritið Rökkr, sem við höfum þróað sérstaklega með þarfir byggingargeirans í huga.

Við höfum einnig þróað okkar eigið app til að halda utan um lykilupplýsingar um byggingar, kerfi og íhluti – allt það sem nauðsynlegt er til að skjalfesta prófanir á virkni kerfa. Í því starfi notum við CCI auðkenniskerfið (Component Classification and Identification).

NORCOM framkvæmir einnig innivistarmælingar (IAQ) og byrtumælingar, með hágæða tækjabúnaði í samræmi við strangustu staðla, til að staðfesta að innivist í byggingum uppfylli kröfur flokks I samkvæmt EN 16798.

Við leitum að þér

Við leitum að einstaklingi með brennandi áhuga á heildarvirkni bygginga og vil til að læra nýjar aðferðir. Þú ert skipulagður, vinnur á kerfisbundinn hátt og hefur reynslu af hönnun kerfa í byggingum. Ef þú vilt taka þátt í að þróa framtíð byggingariðnaðarins með markvissum aðferðum – þá viljum við heyra frá þér.