Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Profil pracodawcy

Næringarfræðingur á Næringarstofu

Næringarstofa Landspítala auglýsir laust til umsóknar starf næringarfræðings.

Um er að ræða fullt starf sem unnið er í dagvinnu, 80-100%. Vinnuvika starfsfólks í fullri dagvinnu (100%) er nú 36 stundir vegna styttingu vinnuvikunnar. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf. Starfið er laust frá 1. ágúst 2025 eða samkvæmt samkomulagi.

Á Næringarstofu starfar öflugur hópur næringarfræðinga í nánu samstarfi við aðrar fagstéttir á flestum deildum spítalans. Veitt er sérhæfð næringarmeðferð samkvæmt verkferli NCP fyrir sjúklinga á bráða, legu- og göngudeildum Landspítala. Markvisst er unnið að umbótum og framþróun. Öflugt rannsóknarstarf fer fram á Næringarstofu í samstarfi við háskóla og stofnanir innanlands og erlendis auk þess sem boðið er upp á starfsþjálfun í klínískri næringarfræði.

Við leitum eftir metnaðarfullum liðsmanni, með góða skipulags- og samskiptahæfni, sem hefur áhuga á fjölbreyttu starfi í krefjandi þverfaglegu umhverfi.

Wymagane wykształcenie i kwalifikacje

Íslenskt starfsleyfi sem næringarfræðingur

Reynsla af klínískri vinnu á legudeildum spítala er skilyrði

Faglegur metnaður og ábyrgð í starfi

Skipulagshæfni, frumkvæði og sjálfstæði í vinnubrögðum

Samskiptahæfni, jákvæðni og sveigjanleiki

Íslenskukunnátta er skilyrði

Główne zadania i obowiązki

Umsjón með næringarmeðferð og ráðgjöf

Þátttaka í teymisvinnu

Gerð fræðsluefnis fyrir sjúklinga og aðstandendur og endurskoðun

Þátttaka í faglegu gæðastarfi Næringarstofu

Leiðsögn nemenda í klínísku námi

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Félag íslenskra náttúrufræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, næringarfræðingur, teymisvinna

Tungumálahæfni: íslenska 4/5, enska 3/5

Nánari upplýsingar

Áróra Rós Ingadóttir, [email protected], 620-2485

Næringarstofa

Skaftahlíð 24

105 Reykjavík

Utworzono ofertę pracy3. July 2025

Termin nadsyłania podań14. July 2025

Znajomość języków

islandzki

Wymagane

Doskonale

Angielski

Wymagane

Kompetencje na wysokim poziomie

Lokalizacja

Skaftahlíð 24, 105 Reykjavík

Rodzaj pracy

Zawody

Oznaczenia

Więcej ofert pracy (41)