Czy chcesz włączyć automatyczne tłumaczenie ofert pracy na język polski?

Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Profil pracodawcy

Heilbrigðisritari/ skrifstofumaður í móttöku bráðamóttöku

Heilbrigðisritari/ skrifstofumaður óskast til starfa í móttöku bráðamóttöku í Fossvogi. Bráðamóttaka Landspítala sinnir móttöku bráðveikra og slasaðra og er opin allan sólarhringinn. Í boði er spennandi starf í krefjandi og líflegu starfsumhverfi og góður starfsandi. Unnið er á þrískiptum vöktum og er starfið laust 5. ágúst 2025 eða samkvæmt nánara samkomulagi.

Við viljum ráða jákvæðan og þjónustulipran einstakling með góða samskiptahæfni sem er tilbúinn að vinna undir álagi. Góð íslensku- og enskukunnátta er áskilin.

Vinnuvika starfsfólks í fullri vaktavinnu er 36 stundir sem getur orðið enn minni eftir samsetningu vakta. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Wymagane wykształcenie i kwalifikacje

Heilbrigðisritaranám, stúdentspróf eða annað sambærilegt nám

Jákvætt viðmót, þjónustulipurð og samskiptahæfni

Frumkvæði og sjálfstæði í starfi

Skipulögð vinnubrögð og geta til vinna undir álagi

Góð tölvukunnátta er nauðsynleg

Góð íslensku- og enskukunnátta, í máli og riti

Reynsla af ritarastörfum og þekking á Sögukerfi Landspítala er æskileg en ekki skilyrði

Główne zadania i obowiązki

Almenn og sérhæfð ritarastörf, s.s. móttaka sjúklinga, tímabókanir, símsvörun, upplýsingagjöf, útvegun og frágangur gagna og gagnavinnsla í tölvukerfi Landspítala

Þjónusta við skjólstæðinga, aðstandendur og samstarfsfólk

Ábyrgð á daglegum viðfangsefnum deildar samkvæmt verklagi

Önnur tilfallandi verkefni í samráði við deildarstjóra

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, heilbrigðisritari, skrifstofustarf, móttaka

Tungumálahæfni: íslenska 5/5, enska 3/5

Nánari upplýsingar

Ágústa Hjördís Kristinsdóttir, ahjordis@landspitali.is,

Zineta Pidzo , zineta@landspitali.is,

Móttaka bráðamóttöku

Fossvogi

108 Reykjavík

Utworzono ofertę pracy20. June 2025

Termin nadsyłania podań7. July 2025

Znajomość języków

islandzki

Wymagane

Ojczysty

Angielski

Wymagane

Kompetencje na wysokim poziomie

Lokalizacja

Fossvogur, 108 Reykjavík

Rodzaj pracy

Zawody

Oznaczenia

Więcej ofert pracy (39)