Leiðbeinandi á frístundaheimili í Hofsstaðaskóla
Hofsstaðaskóli auglýsir eftir leiðbeinendum á frístundaheimilið Regnbogann skólaárið 2025-2026. Regnboginn þjónar um 180 börnum í 1.-4. bekk og veitir þeim og foreldrum þeirra heildstæða og faglega frítímaþjónustu í samþættu skóla- og frístundastarfi. Í frístundaheimilinu dvelja börnin eftir að skóla lýkur við leiki og ýmis verkefni. Í boði er hlutastarf eftir hádegi sem hentar vel sem aukavinna með námi og/eða öðru starfi. Opnunartími er frá kl. 13:30-16:30.
Í Hofsstaðaskóla eru 450 nemendur í 1.-7. bekk og þar starfa um 90 starfsmenn með það að markmiði að hlúa að nemendum námslega og félagslega og koma til móts við áhuga þeirra og getu. Vel er búið að nemendum og starfsmönnum og er öll aðstaða í skólanum til fyrirmyndar. Í skólanum fer fram metnaðarfullt starf sem er í stöðugri þróun. Kennsluhættir eru fjölbreyttir og vellíðan nemenda í fyrirrúmi í anda menntastefnu Garðabæjar. Þjónusta við nemendur er öflug. Nánari upplýsingar um skólann má finna á vefsíðunni www.hofsstadaskoli.is
• Þátttaka í skipulagningu og framkvæmd á faglegu frístundastarfi
• Stýra hópum í frístundastarfi og leiðbeina börnum í leik og starfi
• Samráð og samvinna við börn og starfsfólk
• Umhirða og frágangur á starfssvæði frístundaheimilis
• Samskipti og samstarf við foreldra, starfsfólk skóla og aðra sem koma að starfi frístundaheimilis
• Reynsla af starfi með börnum er æskileg
• Menntun sem nýtist í starfinu er kostur
• Íslenskukunnátta á stigi B2 skv. evrópska tungumálarammanum
• Dugnaður, jákvæðni, stundvísi og ábyrgðarkennd
• Ríkir samstarfs- og samskiptahæfileikar
• Frumkvæði og sjálfstæði í vinnubrögðum
Starfsmenn sveitarfélagsins fá hreyfistyrk, frítt í sund, bókasafn Garðabæjar og Hönnunarsafn Íslands. Þá hefur starfsfólk í skólum Garðabæjar möguleika á að sækja um styrki í Þróunarsjóði leik- og grunnskóla Garðabæjar og er þeim ætlað að stuðla að nýbreytni og framþróun í starfi skóla bæjarins.
islandzki
