Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.

Profil pracodawcy

Hefur þú ástríðu fyrir gögnum eða burðarþoli vega?

Framundan eru spennandi en jafnframt krefjandi tímar við uppbyggingu og viðhald vegakerfisins á Íslandi og leitar Vegagerðin að árangursdrifnum einstaklingi með sterka greiningarhæfni til að taka þátt í þeirri vegferð með okkur.

Stoðdeild, sem er á Mannvirkjasviði Vegagerðarinnar, sér m.a. um burðarþolsmælingar og ástandsmælingar á vegakerfinu og vantar okkur starfskraft til að hjálpa okkur við greiningar og úrvinnslu þeirra gagna sem eru grunnur fyrir ákvarðanatöku og forgangsröðun styrkinga- og viðhaldsverkefna á landsvísu.

Helstu verkefni og ábyrgð

Að vera hluti af teymi sem sér um ofangreint verkefni með sérstakri áherslu á:

Greiningar á mæli og skoðunargögnum.
Notkun og nýtingu á aflfræðilegum aðferðum, reynsluaðferðum við hönnun á uppbyggingu og/eða styrkingu vega.
Notkun á ELMOD hugbúnaðinum og/eða öðrum aðferðum við úrvinnslu falllóðsmælinga.
Að fylgjast með alþjóðlegri þróun varðandi aðferðafræði við úrvinnslu og greiningar í viðhalds- og styrkingarmálum vega.

Menntunar- og hæfniskröfur

Háskólamenntun sem nýtist í starfi, t.d. verkfræði eða tæknifræði.
Frumkvæði, lausnamiðuð nálgun, sjálfstæð og fagleg vinnubrögð.
Góð samskipta- og samstarfshæfni.
Góð hæfni í framsetningu upplýsinga og nákvæm vinnubrögð.
Hæfni til að fylgja málum eftir og til að finna bestu lausnir hverju sinni.
Opinn fyrir nýjungum og þróunarstarfi sem tengjast starfi deildarinnar.
Reynsla af greiningarvinnu og úrvinnslu gagna er mikill kostur.
Reynsla af vegagerð eða burðarþoli vega er kostur.
Góð íslensku- og enskukunnátta í rituðu og töluðu máli, kunnátta í norðurlandamáli æskileg.

Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.

Sótt er um starfið á vegagerdin.is/storf

Nánari upplýsingar veitir.

Oddur Sigurðsson Hagalín, forstöðumaður Stoðdeildar. [email protected]

Arndís Ósk Ólafsdóttir Arnalds, framkvæmdastjóri Mannvirkjasviðs. [email protected]

Utworzono ofertę pracy7. August 2025

Termin nadsyłania podań25. August 2025

Znajomość języków