Marel

Marel er í hópi stærstu útflutningsfyrirtækja Íslands og er í fararbroddi á heimsvísu í þróun og framleiðslu á háþróuðum búnaði og kerfum til vinnslu á fiski, kjöti og kjúklingi. Marel er alþjóðlegt fyrirtæki og hjá því starfa um 7000 manns um allan heim. Fyrirtækið starfrækir skrifstofur og dótturfyrirtæki í fleiri en 30 löndum, auk 100 umboðsmanna og dreifingaraðila. Vöruframboð fyrirtækisins spannar allt framleiðsluferlið, frá frumvinnslu hráefnis til pökkunar í neytendaumbúðir. Marel býður upp á mikið úrval háþróaðra tækja og hugbúnaðar, þar á meðal vogir, flokkara, skurðarvélar, sagir, eftirlitsbúnað, beintínsluvélar, frysta, pökkunar- og merkingarvélar, svo eitthvað sé nefnt. Þá býður fyrirtækið upp á samþætt heildarkerfi sem henta á öllum helstu sviðum matvælavinnslu ásamt lausnum sem eru sérsniðnar að þörfum viðskiptavina. Undanfarin þrjátíu ár höfum við tengt saman það sem viðskiptavinir okkar og samstarfsaðilar gera best og það sem við gerum best. Sameinaðir kraftar hafa skilað matvælaiðnaðinum og samfélaginu auknum verðmætum. Með stöðuga nýsköpun að leiðarljósi hefur Marel umbreyst úr sprotafyrirtæki í heimsleiðtoga á sínu sviði. Fyrirtækið leggur að meðaltali 5-6% af veltu í rannsóknar- og þróunarstarf á ári hverju, sem er hæsta hlutfall sem fyrirfinnst í greininni. Framsæknar tækja- og hugbúnaðarlausnir frá Marel gera framleiðendum kleift að hámarka nýtingu, afköst og arðsemi.

Profil pracodawcy

Framleiðslusérfræðingur

Framleiðslusérfræðingur í framleiðsluþróunarteymi

Hefur þú brennandi áhuga á framleiðslu?

JBT Marel leitar að framleiðslusérfræðingi (Manufacturing Engineer) sem hefur áhuga á og metnað til að læra að bæta framleiðsluferla, tryggja gæði vara og leiða stöðugar umbætur í framleiðsluferlinu. Við bjóðum upp á fyrsta flokks vinnuumhverfi, fjölbreytt og skemmtileg verkefni, fjölskylduvænan vinnutíma, frábært mötuneyti með heitum mat í hádeginu og aðstöðu til líkamsræktar.

Starfið er hluti framleiðsluþróunarteymis við starfsstöð JBT Marel á Íslandi. Starfið krefst þess að viðkomandi sé drífandi og skipulagður með góða samskiptahæfileika.

Starfssvið

Hanna, innleiða og hámarka framleiðsluferla með áherslu á öryggi, gæði og skilvirkni.
Þróa og viðhalda ferlaskjölum og vinnuleiðbeiningum.
Samstarf við þverfagleg teymi (t.d. Gæða-, Framleiðslu- og Hönnunarteymi) til að leysa framleiðsluvandamál.
Þekking/áhugi á aðferðum rótargreiningar, geta til að greina orsakir vandamála og innleiða úrbætur í samvinnu með hagaðilum.
Styðja við innleiðingu nýrra vara og tryggja hnökralausa yfirfærslu í framleiðslu.
Greina tækifæri til sjálfvirknivæðingar og kostnaðarlækkunar.
Tryggja að öllum stöðlum og reglum fyrirtækisins sé fylgt eftir.

Hæfniskröfur

Menntun í verk- eða tæknifræði eða önnur menntun og reynsla sem nýtist í starfi.
Reynsla af notkun SAP & PLM er kostur.
Þekking á framleiðsluferlum og -aðferðum.
Þekking á aðferðum vöruþróunar í vélaframleiðslu er kostur.
Skipulags- og samskiptafærni er mikilvæg.
Hæfni á sviði gagna- og kostnaðargreininga.
Reynsla af notkun SolidWorks eða sambærilegra 3D CAD kerfa er kostur.
Geta til að vinna sjálfstætt sem og í teymi.
Mjög góð íslensku- og enskukunnátta og geta til að miðla efni í ræðu og riti á íslensku og ensku.

Áhugasamir einstaklingar án tillits til kyns eru hvattir til að sækja um starfið.

Umsóknarfrestur er til og með 23. nóvember 2025. Sótt er um starfið á heimasíðu JBT Marel, www.marel.com.

Utworzono ofertę pracy4. November 2025

Termin nadsyłania podań23. November 2025

Znajomość języków