Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Profil pracodawcy

Forstöðulæknir hjarta-, augn- og krabbameinsþjónustu

Landspítali auglýsir laust til umsóknar starf forstöðulæknis hjarta-, augn- og krabbameinsþjónustu frá 1. febrúar 2026 eða eftir nánara samkomulagi samkvæmt nýju skipuriti spítalans sem tók gildi 1. febrúar 2024. Forstöðulæknir starfar innan hjarta-, augn- og krabbameinsþjónustu og leiðir lækningar innan sviðsins.

Hlutverk forstöðulæknis er að þróa þjónustu við sjúklinga innan hjarta-, augn- og krabbameinsþjónustu og vinna að samhæfingu við aðra starfsemi spítalans í samræmi við stefnu og starfsáætlun Landspítala.

Forstöðulæknir heyrir undir framkvæmdastjóra og er hluti af sviðsstjórn og sem ber ábyrgð á stefnumótun og rekstri.

Forstöðulæknir leiðir ásamt forstöðuhjúkrunarfræðingum sviðsins teymi framlínustjórnenda, þ.e. yfirlækna og deildarstjóra, sem hafa það sameiginlega verkefni að samhæfa, efla og þróa þá þjónustu sem veitt er á öruggan, faglegan og hagkvæman hátt. Forstöðulæknir ber ríkar og gagnkvæmar skyldur til samvinnu, samráðs og uppbyggingar teymisvinnu.

Leitað er eftir kraftmiklum leiðtoga, með klínískan bakgrunn, sem hefur brennandi áhuga á að vinna að því að byggja upp sterka liðsheild og að framfylgja stefnu, markmiðasetningu og framtíðarsýn spítalans.

Um er að ræða 100% starf. Auk stjórnunarhlutverks er gert ráð fyrir þátttöku í klínísku starfi í samráði við framkvæmdastjóra.

Wymagane wykształcenie i kwalifikacje

Háskólamenntun í læknisfræði og sérfræðileyfi í lækningum er skilyrði

Önnur framhaldsmenntun á háskólastigi sem nýtist í starfi er kostur

Klínískur bakgrunnur er skilyrði

Reynsla af stjórnunarstörfum er skilyrði

Þekking á gæða- og öryggismálum í heilbrigðisþjónustu

Reynsla af að leiða umbótastarf, teymisvinnu og breytingastjórnun í heilbrigðisþjónustu

Framúrskarandi leiðtoga- og samskiptahæfileikar

Skipulögð, vönduð og öguð vinnubrögð

Frumkvæði, drifkraftur og stefnumótandi hugsun

Hæfni í tjáningu í ræðu og riti, á íslensku og ensku

Główne zadania i obowiązki

Fagleg ábyrgð á uppbyggingu, skipulagi og þróun lækninga í samstarfi við framkvæmdastjóra lækninga, yfirlækna og framkvæmdastjóra þjónustunnar

Forysta um þjónustu við sjúklinga og þróun lækninga

Samhæfing þjónustu og flæðis þvert á spítalann

Efling mennta- og vísindastarfs

Forysta um uppbyggingu öryggismenningar, gæða- og umbótastarfs og árangursvísa

Uppbygging mannauðs og liðsheildar, ásamt ábyrgð á starfsmannamálum

Ábyrgð á fjármálum og rekstri þjónustunnar auk þátttöku í gerð fjárhagsáætlunar

Stefnumótun, markmiðasetning, áætlanagerð og eftirfylgni

Þátttaka í þróun og nýsköpun

Samhæfing faglegra verkefna innan sviðs og í samvinnu við önnur svið

Klínísk störf í samræmi við menntun og sérsvið

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum. Tekið er mið af jafnréttisstefnu Landspítala við ráðningar á spítalanum.

Gert er ráð fyrir að ráðning taki gildi 1. febrúar 2026 og er hún ótímabundin í samræmi 41. gr. laga um opinbera starfsmenn (nr. 70/1996), að loknum reynslutíma.

Umsækjendur eru beðnir að skila ítarlegri náms- og starfsferilskrá ásamt kynningarbréfi, er innihalda framtíðarsýn umsækjanda og rökstuðning fyrir hæfni til að gegna stöðunni, auk afrita af prófskírteinum og starfsleyfi. Fylgiskjöl skulu vera á pdf formi.

Framtíðarsýn Landspítala er að:

Veita framúrskarandi heilbrigðisþjónustu í fjölbreyttu og sístækkandi samfélagi og laga sig að breytilegum þörfum sjúklinga og aðstandenda þeirra.
Vera miðstöð nýsköpunar, vísinda og menntunar á sviði heilbrigðisþjónustu og þróa sífellt nýjar lausnir til að mæta áskorunum samtímans.
Vera eftirsóknarverður vinnustaður sem laðar til sín og heldur í hæft starfsfólk á öllum starfssviðum spítalans.
Hafa aðbúnað, fjármögnun og stuðning til að geta sinnt hlutverki sínu með sóma.

Starfsmerkingar: Heilbrigðisþjónusta, stjórnunarstarf, forstöðumaður, sérfræðilæknir, læknir.

Tungumálahæfni: Íslenska 5/5, enska 4/5,

Staðsetning: Skaftahlíð 24, 105 Reykjavík

Nánari upplýsingar

Vigdís Hallgrímsdóttir

Tölvupóstur: [email protected]

Sími: 825-3502

Tómas Þór Ágústsson

Tölvupóstur: [email protected]

Sími: 698-7041

Utworzono ofertę pracy15. December 2025

Termin nadsyłania podań30. December 2025