Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Profil pracodawcy

Gæðastjóri á bráða-, lyflækninga- og endurhæfingarþjónustu

Landspítali auglýsir eftir öflugum einstaklingi í starf gæðastjóra á bráða-, lyflækninga- og endurhæfingarþjónustu með áherslu á gæðastarf og rekstur gæðastjórnunarkerfis fyrir sviðið.

Gæðastjóri starfar með öflugu þverfaglegu teymi gæðastjóra og annarra sérfræðinga á gæðadeild Landspítala við þróun og rekstur gæðastjórnunarkerfis spítalans. Gæðastjóri sviðs er hluti af sviðskrifstofu bráða-, lyflækninga- og endurhæfingarþjónustu og vinnur náið með stjórnendum og öðrum þeim sem vinna að gæðum og umbótum. Áhersla er lögð á að veita framúrskarandi þjónustu innan Landspítala.

Leitað er eftir einstaklingi sem er skipulagður, lausnamiðaður, með góða samskiptahæfni og sem brennur fyrir gæða- og öryggismenningu. Starfishlutfall er 100% og er starfið laust nú þegar eða samkvæmt nánara samkomulagi.

Helstu verkefni og ábyrgð

Vinnur í samvinnu við stjórnendur sviðs að gæða- og umbótaverkefnum í samræmi við stefnu og starfsáætlun Landspítala
Umsjón með úrvinnslu atvika, gæðahandbók sviðs, árangursmælingum, úttektum og öðrum gæðamálum
Vinnur að uppbyggingu og viðhaldi gæðastjórnunarkerfis á sinni starfseiningu
Sinnir fræðslu, veitir upplýsingar og kynnir nýjungar er varða gæðamál
Er þátttakandi í stefnumótun gæðamála á Landspítala
Stuðlar að stöðugum umbótum og uppbyggingu gæða- og öryggismenningar
Önnur verkefni í samráði við yfirmann gæðadeildar og framkvæmdarstjóra sviðs

Menntunar- og hæfniskröfur

Háskólamenntun á sviði heilbrigðisvísinda æskileg
Reynsla af störfum á sviði heilbrigðisþjónustu er æskileg
Þekking á aðferðarfræði gæðastjórnunar
Reynsla af rekstri gæðastjórnunarkerfa, mótun verkferla og innleiðingu er æskileg
Góð greiningarhæfni og lausnamiðuð hugsun
Frumkvæði, drifkraftur og geta til að starfa sjálfstætt
Örugg framkoma og færni í mannlegum samskiptum
Hæfni í tjáningu í ræðu og riti á íslensku og ensku
Góð íslenskukunnátta, bæði í mæltu og rituðu máli

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfið auglýst 20.11.2025. Umsóknarfrestur er framlengdur til og með 05.01.2026.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta, heilbrigðisvísindi, gæðastjóri

Tungumálahæfni: íslenska 5/5

Staðsetning: Skaftahlíð, 105 Reykjavík

Nánari upplýsingar

Kolbrún Gísladóttir

Tölvupóstur: [email protected]

Utworzono ofertę pracy20. November 2025

Termin nadsyłania podań5. January 2026

Znajomość języków

islandzki

Wymagane

Ojczysty

Lokalizacja

Skaftahlíð 24, 105 Reykjavík

Rodzaj pracy

Zawody

Tagi zawodowe

Więcej ofert pracy (35)