Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Profil pracodawcy

Deildarstjóri hag- og áætlunardeildar

Hefur þú brennandi áhuga á opinberum fjármálum og stafrænum lausnum?

Mosfellsbær leitar að öflugum aðila til að leiða hag- og áætlunardeild í framsæknu sveitarfélagi sem hefur það markmið að vera í fremstu röð í þjónustu og rekstri. Deildarstjóri heyrir beint undir sviðsstjóra fjármála- og áhættustýringarsviðs og er staðgengill hans.

Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsfólks í daglegu starfi.

Helstu verkefni og ábyrgð

Stýrir starfsemi deildarinnar og er staðgengill sviðstjóra fjármála- og áhættustýringarsviðs
Stýrir gerð fjárhagsáætlunar sveitarfélagsins í samræmi við stefnu og fjárhagsleg markmið
Ber ábyrgð á rekstrareftirliti, áhættugreiningum og gerð tillagna um úrbætur
Veitir forstöðumönnum stuðning, aðstoð og ráðgjöf við fjárhagstengd verkefni
Þróar og stýrir fjárhagslegum mælaborðum og hefur eftirfylgni með mælikvörðum
Leiðir þróun og nýsköpun innan sviðsins og hefur frumkvæði að umbótaverkefnum
Ber ábyrgð á kynningum og gerð kynningarefnis um fjárhagsleg málefni sveitarfélagsins

Menntunar- og hæfniskröfur

Háskólamenntun sem nýtist í starfi er skilyrði
Framhaldsmenntun sem nýtist í starfi er æskileg
Góð þekking á rekstri, reikningshaldi og kostnaðareftirliti
Reynsla af opinberri stjórnsýslu og fjármálum sveitarfélaga er kostur
Mikið frumkvæði, skipulagshæfni og færni til að geta stýrt verkefnum
Framúrskarandi færni á Excel og góð almenn tölvukunnátta
Góð þekking og reynsla af Dynamics BC (NAV) er kostur
Yfirburða samskiptahæfni og þjónustumiðuð hugsun
Metnaður til að ná árangri í starfi og innleiða nýjungar
Nákvæmni í vinnubrögðum og talnagleggni
Mjög góð hæfni til að tjá sig í rituðu og töluðu máli á íslensku

Fjármála- og áhættustýringarsvið Mosfellsbæjar fer með fjármála- og áhættustjórnun sveitarfélagsins og sinnir miðlægri þjónustu við svið, deildir og stofnanir bæjarins. Sviðið annast reikningshald og bókhald, gerð árshlutauppgjöra og ársreiknings, yfirumsjón með fjárhagsáætlun, fjárstýringu, lánastýring, umsjón með gjaldskrám, rekstrareftirlit, ráðgjöf og stuðning við innkaup og eftirlit með fjárhagstengdum samningum ásamt fjárhagslegu áhættumati. Sviðið hefur snertifleti við alla þætti rekstrar og veitir stjórnendum upplýsingar, stuðning og aðhald. Starfsemi sviðsins skiptist í þrjár einingar sem eru reikningshald, fjárreiður og hag- og áætlunardeild.

Umsóknarfrestur er til og með 7. janúar 2026. Umsókn um starfið skal skilað gegnum www.alfred.is og þarf henni að fylgja starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda sem nýtist í starfi.

Upplýsingar um starfið veitir Pétur J. Lockton, sviðsstjóri fjármála- og áhættustýringarsviðs Mosfellsbæjar á netfangið [email protected].

Mosfellsbær leggur áherslu á jafnrétti og hvetur öll áhugasöm til að sækja um starfið, óháð kyni, fötlun eða menningarlegum bakgrunni.

Utworzono ofertę pracy2. December 2025

Termin nadsyłania podań7. January 2026

Znajomość języków