Landsbankinn

Starfsfólk Landsbankans getur gert samning við bankann um að það nýti sér vistvænar samgöngur.

Okkur er umhugað um góðan starfsanda og við leggjum áherslu á fræðslu, heilsuvernd og sveigjanleika þar sem þarfir einkalífs og starfs fara saman. Við nýtum ólíkar starfsstöðvar, þegar störf og verkefni bjóða upp á það.

Í Mettu elda kokkar og matreiðslumeistarar bankans fjölbreyttan, hollan og einstaklega góðan mat handa öllu starfsfólki bankans.

Við hjálpum starfsfólki að rækta andlegt og líkamlegt heilbrigði á fjölbreyttan hátt. Við stöndum vörð um velferð starfsfólks, stuðlum að vellíðan þess og tryggjum að aðstæður í vinnu og vinnuumhverfi séu heilsusamlegar.

Starfsfólk getur sótt um íþróttastyrk á hverju ári sem gildir fyrir hvers konar íþróttir. Mikil stemmning er í kringum Lífshlaupið og Hjólað í vinnuna á meðal starfsfólks ásamt því að ýmsar nefndir og klúbbar eru skipulagðar af starfsfólki, t.d. golfklúbbur, gönguklúbbur, bootcamp hópur ofl.

Okkur finnst mikilvægt að það sé gaman í vinnunni. Við sköpum og nýtum sem flest tækifæri til að koma saman, bæði til að vinna og njóta samveru.