Vilt þú taka þátt í að þróa leiðarkerfi Keflavíkurflugvallar?

Við leitum að árangursdrifnum viðskiptastjóra með sterka greiningarhæfni í einingu flugfélaga og markaðsmála.
Starfið felur meðal annars í sér að eiga samskipti við flugfélög, greiningu viðskiptatækifæra og þróun flugleiða til og frá Keflavíkurflugvelli ásamt því að vinna að gerð farþegaspár fyrir Keflavíkurflugvöll.

Helstu verkefni:

• Samskipti við flugfélög og úrvinnsla og eftirfylgni þarfa og óska

• Þátttaka í leiðarkerfisþróun flugvallarins og sölusýningum

• Söfnun, greining og miðlun tölfræðiupplýsinga

• Þróun og gerð sölu- og markaðsáætlana fyrir flugfélög Keflavíkurflugvallar

• Þátttaka í gerð farþegaforsenda og farþegaspá fyrir Keflavíkurflugvöll

• Önnur tilfallandi verkefni

Hæfniskröfur:

• Menntun á sviði viðskipta, rekstrarverkfræði eða önnur menntun sem nýtist í starfi 

• Góð tungumála kunnátta er æskileg, enska er nauðsynleg

• Góð þekking á tölfræði og greiningu gagna er nauðsynleg

• Reynsla af sölustörfum, þjónustu eða viðskiptatengdum störfum er æskileg

• Geta til að byggja upp og viðhalda traustum samskiptum við viðskiptavini

• Þekking á starfsemi flugvalla og/eða flugfélaga er kostur

• Framúrskarandi samskipta- og samstarfshæfni er skilyrði

• Nákvæmni, frumkvæði og sjálfstæð vinnubrögð

Hjá KEF leggjum við ríka áherslu á virðingu og heiðarleika í samskiptum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu.

Fyrirtækið leggur sig fram við að stuðla að heilsu og vellíðan starfsfólks.

Í mötuneytum okkar er boðið upp á hollan og góðan mat og allt starfsfólk hefur aðgang að heilsu- og líkamsræktarstöðvum sér að kostnaðarlausu.

Frekari upplýsingar um starfið veitir Grétar Már Garðarsson, forstöðumaður Flugfélaga og markaðsmála, í tölvupósti á netfangið [email protected]

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.

Við hvetjum áhugasama aðila til að sækja um óháð kyni og uppruna.