Félagsvísindasvið Háskóla Íslands

Verkefnisstjóri markaðs- og kynningarmála

Laust er til umsóknar fullt starf verkefnisstjóra markaðs- og kynningarmála við Félagsvísindasvið Háskóla Íslands. Starfið heyrir undir rekstrarstjóra Félagsvísindasviðs og viðkomandi mun starfa náið með markaðs- og kynningarstjóra sviðsins og í teymisvinnu með deildum og rannsóknaþjónustu við kynningu og markaðssetningu á námi, rannsóknum og vísindum.

Helstu verkefni og ábyrgð

Kynning og markaðssetning á námi, rannsóknum og viðburðum á sviðinu
Skipulag og umsjón viðburða
Umsjón með samfélagsmiðlum og þróun þeirra
Umsjón með innri vef
Gerð auglýsinga og kynningarefnis, þ.m.t. textasmíð
Þátttaka í stefnumótun og samhæfingu markaðsaðgerða
Innri markaðssetning og upplýsingamiðlun

Menntunar- og hæfniskröfur

Menntun sem nýtist í starfi, s.s. á sviði markaðsfræði, samskipta eða hönnunar
Þekking og/eða reynsla af markaðs- og kynningarmálum
Reynsla af skipulagningu og utanumhaldi viðburða er æskileg
Þekking á stafrænum miðlum og miðlun efnis
Hæfni í efnisgerð og framsetningu á kynningarefni fyrir ólíka miðla
Þekking á grafískri hönnun, margmiðlun og/eða myndvinnslu er æskileg
Góð tölvufærni og tækniþekking
Góð íslensku- og enskukunnátta nauðsynleg, bæði í töluðu og rituðu máli
Rík þjónustulund og góð samskiptahæfni, ásamt frumkvæði og sveigjanleika í starfi

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans.Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi.

Nánar um Háskóla Íslands, fræðasvið hans og deildir

Advertisement published29. December 2025

Application deadline12. January 2026

Language skills