Verkefnastjóri verkefnagátar

Við leitum eftir jákvæðum og metnaðarfullum verkefnastjóra með skipulagshæfileika og góða yfirsýn til að starfa í öflugu teymi Flugvallarþróunar og uppbyggingar. Um er að ræða fjölbreytt verkefni sem unnin eru þvert á deildir í samvinnu við aðra verkefnastjóra sem tilheyra einingunni. Helstu hlutverk verkefnastjóra eru á þróunar- og framkvæmdastigi, s.s. kostnaðar- og tímastjórnun, áhættu-, breytinga- og upplýsingastjórnun. Fram undan eru mörg spennandi verkefni sem snúa að uppbyggingu Keflavíkurflugvallar.

Helstu verkefni

• Hönnun og innleiðing á ferlum og verklagsreglum fyrir fjárfestingar í framkvæmdaverkefnum

• Miðla og stýra upplýsingum til stjórnenda og hagaðila

• Greiningarvinna

• Stýra og styðja við breytingar á vinnubrögðum frá aðfangakeðju til framkvæmdar

• Þróun á ferlum, skipulagi og aðferðum við að meta flækjustig, umfang og áhættu verkefna

• Aðstoðar verkefnastjóra framkvæmdaverkefna s.s. við kostnaðarstýringu, tímaáætlanir og breytingastjórnun

• Tekur þátt í verkefnum sem unnin eru þvert á svið Isavia

• Sinnir öðrum tilfallandi verkefnum

Menntun og hæfni

• Háskólamenntun sem nýtist í starfi, s.s. verkefnastjórnun, verkfræði, fjármálum eða viðskiptafræði

• Góð reynsla og þekking á að vinna í Excel er nauðsynleg

• Reynsla af kostnaðar- og tímaáætlunum í verkefnum er kostur

• Öguð og sjálfstæð vinnubrögð

• Góð samskiptahæfni

• Góð íslensku-og enskukunnátta í ræðu og riti

Starfsstöð er á Keflavíkurflugvelli og Hafnarfirði

Við bjóðum upp á hollan og góðan mat í mötuneytum okkar og allt starfsfólk hefur aðgang að heilsu- og líkamsræktarstöðvum sér að kostnaðarlausu. 

Frekari upplýsingar um starfið veitir Páll Svavar Pálsson, forstöðumaður, í gegnum netfang [email protected]   

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.  

Við hvetjum áhugasama aðila, án tillits til kyns og uppruna, til að sækja um.