Landhelgisgæsla Íslands

Landhelgisgæsla Íslands er borgaraleg öryggis-, eftirlits- og löggæslustofnun sem sinnir öryggisgæslu og björgun á hafi úti og fer með löggæslu á hafinu.

About

Bókari

Landhelgisgæsla Íslands auglýsir laust til umsóknar starf bókara. Leitað er að sveigjanlegum og talnaglöggum einstaklingi sem hefur gaman af fjölbreyttum og krefjandi verkefnum. Um fullt starf er að ræða á líflegum og skemmtilegum vinnustað þar sem áhersla er lögð á sveigjanlegt og fjölskylduvænt starfsumhverfi. Starfsstöð er í Reykjavík og æskilegt er að viðkomandi geti hafið störf fljótlega.

Helstu verkefni og ábyrgð

Skráning og bókun reikninga í lánadrottnakerfi
Útbúa og senda tekjureikninga í viðskiptamannakerfi
Fjárhagsbókanir
Uppgjör virðisaukaskatts
Afstemmingar
Yfirsýn og eftirfylgni með innheimtu
Önnur tilfallandi verkefni tengd bókhaldi og uppgjörum stofnunarinnar

Menntunar- og hæfniskröfur

Hið minnsta þriggja ára reynsla af bókhaldsstörfum og góð bókhaldsþekking
Góð Excel kunnátta
Þekking og haldgóð reynsla af afstemmingarvinnu
Nákvæmni og sjálfstæði í vinnubrögðum og skipulagshæfileikar
Hæfni í mannlegum samskiptum
Jákvæðni, lipurð og frumkvæði í starfi
Góð íslensku- og enskukunnátta

Umsækjendur þurfa að uppfylla skilyrði fyrir öryggisheimild samanber varnarmálalög nr. 34/2008 og reglugerð nr. 959/2012.

Um Landhelgisgæsluna:
Landhelgisgæsla Íslands er borgaraleg öryggis-, eftirlits- og löggæslustofnun sem sinnir öryggisgæslu og björgun á hafi úti og fer með löggæslu á hafinu. Samkvæmt lögum nr. 52/2006 um Landhelgisgæslu Íslands er henni falið að gæta ytri landamæra og standa vörð um fullveldisrétt Íslands á hafsvæðinu kringum landið. Landhelgisgæslan fer með daglega framkvæmd öryggis- og varnarmála sbr. varnarmálalög nr. 34/2008, þ.m.t. er rekstur öryggissvæða, mannvirkja, kerfa, stjórnstöðvar NATO/LHG og ratsjár- og fjarskiptastöðva.
Hjá Landhelgisgæslunni starfar um 240 manna samhentur hópur sem hefur að leiðarljósi slagorðið: Við erum til taks. Gildi Landhelgisgæslunnar eru: Öryggi - Þjónusta - Fagmennska

Nánari upplýsingar um Landhelgisgæslu Íslands má finna á: www.lhg.is

Umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá dagsetningu auglýsingar. Landhelgisgæslan starfar samkvæmt jafnréttisstefnu og er jafnlaunavottuð. Allir áhugasamir einstaklingar, óháð kyni, eru hvattir til að sækja um. Launakjör eru samkvæmt kjarasamningi viðeigandi stéttarfélags og fjármálaráðherra f.h. ríkissjóðs.

Starfshlutfall er 100%

Advertisement published14. April 2025

Application deadline4. May 2025

Language skills