Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

About

Verkefnastjóri samræmdrar móttöku flóttafólks

Á velferðarsviði Garðabæjar starfar samhentur hópur fólks með fjölbreytta menntun og starfsreynslu. Á velferðarsviði er veitt margþætt þjónusta til einstaklinga og fjölskyldna ásamt því sem starfsfólk vinnur að framþróun þeirra málaflokka sem tilheyra sviðinu. Undir sviðið heyrir m.a. félagsþjónusta, jafnréttismál, barnavernd, farsæld barna, þjónusta við fatlað fólk, stuðnings- og öldrunarþjónusta og móttaka flóttafólks.

Verkefnastjóri samræmdrar móttöku flóttafólks ber ábyrgð á verkefnum og þjónustu tengt móttöku flóttafólks í Garðabæ, skipuleggur samfellda þjónustu sveitarfélagsins til flóttafólks með áherslu á að þjónustan sé í samræmi við gildandi lög, samninga og reglur hverju sinni.

Um er að ræða 100% starfshlutfall til eins árs.

Helstu verkefni og ábyrgð

Ráðgjöf, stuðningur, greining og mat á þjónustuþörfum flóttafólks
Gerð einstaklingsmiðaðra stuðningsáætlana, eftirfylgd með framkvæmd áætlana
Málstjóri í fjölskyldumálum og samhæfir þjónustuþætti
Tengiliður við ríki, sveitarfélög, þjónustuveitendur innan bæjar, hagsmunasamtök og aðra þá aðila sem hlutast til um málefni flóttafólks
Fræðsla og faglegur stuðningur til ráðgjafa í málefnum flóttafólks og annarra starfsmanna sem koma að verkefninu
Tryggir samstarf við önnur svið sveitarfélagsins svo og aðra þá hagsmunaaðila sem tengjast málaflokknum
Úthlutar verkefnum til ráðgjafa og fylgir þeim eftir
Umsjón með fjárhagsaðstoð sveitarfélagsins til flóttafólkseldur utan um tölulegar upplýsingar og uppgjör tengt verkefninu og hefur yfirsýn yfir fjölda flóttafólks sem falla undir samning um samræmda móttöku
Sinnir fræðslu til stofnana innan bæjarins um málefni flóttafólks
Gerð og framsetning greinargerða, minnisblaða til nefnda og ráða

Menntunar- og hæfniskröfur

Háskólapróf á framhaldsstigi sem nýtist í starfi
Framúrskarandi hæfni í mannlegum samskiptum og hæfni til að verkefnastýra teymi
Þekking og reynsla af vinnu með flóttafólki er æskileg
Þekking og reynsla af almennri félagsþjónustu og félagslegri ráðgjöf er æskileg
Þekking og reynsla af vinnu og meðferð mála með einstaklingum og fjölskyldum er æskileg
Menningarnæmi
Frumkvæði og sjálfstæði í vinnubrögðum
Skipulagshæfni og lausnarmiðuð hugsun
Góð tölvukunnátta
Íslenskukunnátta á stigi C1 samkvæmt evrópska tungumálarammanum
Enskukunnátta á stigi B2 samkvæmt evrópska tungumálarammanum