Húnaþing vestra

Húnaþing vestra er sveitarfélag í sókn. Stórfellt íbúðauppbygging er áformuð þar á komandi árum. Sveitarfélagið er frábærlega staðsett miðja vegu milli Reykjavíkur og Akureyrar. Þjónustustig er hátt. Héraðið er blómlegt og grösugt með fagra strandlengju og víð heiðarlönd. Húnaþing vestra nær í suðri og vestri frá Arnarvatni og miðri Holtavörðuheiði norður Strandir að Stikuhálsi og út á Vatnsnestá og að Gljúfurá í austri sem skilur sveitarfélagið frá Austur-Húnavatnssýslu. Vatnsnes er ein af perlum svæðisins. Þar eru aðgengilegustu selaskoðunarstaðir á Íslandi og einstök náttúra og mannlíf sem gaman er að kynnast. Hvammstangi í Húnaþingi vestra er stærsti þéttbýliskjarni sveitarfélagsins með um 600 íbúa en íbúar í Húnaþingi vesta eru 1.260. Hvammstangi er í alfaraleið, aðeins 6 km. frá þjóðvegi 1 og í u.þ.b. tveggja klst. akstursfjarlægð frá Reykjavík og Akureyri, vestast á Norðurlandi og er með góðar tengingar inn á Vesturland og Vestfirði. Í Húnaþingi vestra er til staðar öll almenn opinber þjónusta auk annarrar fjölbreyttrar þjónustu hvort sem leitað er að góðum búsetukosti eða stað til að upplifa náttúru, sögu og mannlíf í fögru umhverfi. Möguleikar til útivistar, íþrótta, afþreyingar og félagsstarfa eru fjölmargir. Menningarlíf er afar blómlegt og er ánægja íbúa með menningarstarf sú næst mesta á landinu á eftir Akureyri og Höfuðborgarsvæðinu. Ánægja íbúa með heilsugæsluna á svæðinu er sú mesta á landinu. Á Hvammstanga er skrifstofusetrið Útibúið þar sem leigja má aðstöðu fyrir þau sem kjósa að flytja starfið með sér.

About

Viltu hafa áhrif á umhverfi þitt?

Við leitum að drífandi einstaklingi til að sinna fjölbreyttu starfi verkefnisstjóra umhverfismála á umhverfis-, veitu- og framkvæmdasviði Húnaþings vestra með megin starfsstöð í Ráðhúsi sveitarfélagsins á Hvammstanga. Verkefnisstjóri ber ábyrgð á útliti og ásýnd sveitarfélagsins með verkefnum sem lúta að grænum svæðum, leikvöllum, íþróttavöllum og lóðum stofnana sveitarfélagsins. Hann stýrir vinnuskóla sveitarfélagsins og tekur þátt í innleiðingu heimsmarkmiða, heilsueflandi samfélags og barnvæns sveitarfélags. Hann tekur þátt í áætlanagerð er tengist þróun og skipulagi sveitarfélagsins, m.a. með styrkumsóknum og framkvæmd verkefna sem styrkir fást til. Næsti yfirmaður er sviðsstjóri umhverfis-, veitu- og framkvæmdasviðs og vinnur verkefnisstjóri ýmis verkefni önnur sem sviðsstjóri felur honum.

Helstu verkefni og ábyrgð

Skipulagning, umsjón og eftirlit með grænum svæðum ásamt leikvöllum, íþróttavöllum og lóðum stofnana sveitarfélagsins og ásýnd þess.
Ábyrgð og umsjón með vinnuskóla og sláttuhóp, ráðning starfsmanna, þjálfun, verkstjórn o.s.frv.
Umsjón með gerð og innleiðingu umhverfis- og loftslagsstefnu og innleiðingu Grænna skrefa. Í stofnunum sveitarfélagsins.
Umsjón með umhverfisviðurkenningum.
Þátttaka í innleiðingu heimsmarkmiða, heilsueflandi samfélags og barnvæns sveitarfélags.
Þátttaka í áætlanagerð er tengist þróun og skipulagi sveitarfélagsins, einkum með tilliti til útivistar og grænna svæða.
Gerð umsókna um styrki til þróunar og eflingu sveitarfélagsins og framkvæmd verkefna sem styrkir fást til.
Gerð fjárhagsáætlana fyrir ofangreint í samvinnu við sviðsstjóra. Ber fjárhagslega ábyrgð á sínum málaflokkum.
Önnur tilfallandi verkefni sem sviðsstjóri felur verkefnisstjóra, svo sem skýrslugerð, skjalavinnsla o.s.frv.

Menntunar- og hæfniskröfur

Menntun sem nýtist í starfi, háskólamenntun er kostur.
Leiðtogahæfni, hæfni til að hafa yfirsýn og rík þjónustulund.
Framúrskarandi hæfni í mannlegum samskiptum.
Framúrskarandi hæfni til og reynsla af því að taka þátt teymisvinnu.
Sjálfstæði, skipulagshæfni, árvekni og nákvæmni í störfum.
Góð almenn tölvukunnátta og hæfni til að tileinka sér nýjungar.
Reynsla af gerð styrksumsókna er kostur.
Þekking og reynsla af verkefnastjórnun og áætlunargerð er kostur.
Reynsla af verkstjórn og af störfum með ungu fólki er kostur.
Þekking og reynsla af umhverfis- og loftslagsmálum er kostur.
Góð íslenskukunnátta og hæfni til að tjá sig í ræðu og riti.

Umsækjandi þarf að hafa hreint sakavottorð og óflekkað mannorð.

Helstu samstarfsaðilar

Sviðsstjóri og aðrir starfsmenn á umhverfis-, veitu- og framkvæmdasviði, forstöðumenn stofnana sveitarfélagsins, byggingar- og skipulagsfulltrúi o.fl.

Laun og starfskjör

Skv. kjarsamningum viðkomandi stéttarfélags og Sambands íslenskra sveitarfélaga.

Í umsókn skal greina frá menntun og fyrri störfum, hæfni út frá hæfniskröfum starfsins og öðru því sem umsækjandi telur máli skipta og varpað getur ljósi á færni og hæfni hans til að sinna starfinu. Umsókninni skal fylgja kynningarbréf, ferilskrá og sakavottorð.

Þau sem uppfylla menntunar- og hæfniskröfur eru hvött til að sækja um starfið, óháð kyni.

Advertisement published24. January 2025

Application deadline9. February 2025

Language skills

Icelandic

Required

Very good

Location

Hvammstangabraut 5, 530 Hvammstangi

Type of work

Skills

Financial planningProactiveClean criminal recordLeadershipHuman relationsAmbitionMicrosoft ExcelMicrosoft OutlookMicrosoft PowerPointMicrosoft WordIndependencePlanningProject managementWindows

Work environment

Professions

Job Tags

Similar jobs (12)