Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

About

Verkefnastjóri prófakerfa

Háskólinn í Reykjavík óskar eftir að ráða öflugan og metnaðarfullan einstakling í starf verkefnastjóra prófakerfa. Í boði er spennandi starf í framsæknu og lifandi háskólaumhverfi.Helstu verkefni deildarinnar eru: Nemendaskrá, stundatöflugerð, próftöflugerð og framkvæmd lokanámsmats. Þá hefur deildin einnig umsjón með brautskráningarskírteinum nemenda.

Helstu verkefni og ábyrgð

Umsjón og þróun prófa- og kennslukerfa HR
Ábyrgð á leiðbeiningum og þjálfun kennara og nemenda í prófakerfum skólans
Þjónusta, ráðgjöf og stuðningur við kennara og nemendur í prófakerfum skólans þ.e. aðstoð við uppsetningu, framkvæmd og frágang lokanámsmats
Samskipti við deildir, önnur stoðsvið og kennara vegna lokanámsmats
Aðstoð og stuðningur við kennara og deildir við frágang námskeiða og birtingu einkunna samkvæmt reglum skólans
Samskipti og samvinna með prófgæslu og framkvæmd prófa
Þátttaka í verkefnum sem snúa að kennslu- og prófakerfum skólans
Önnur tilfallandi störf innan deildarinnar

Menntunar- og hæfniskröfur

Háskólapróf sem nýtist í starfi
Þekking og reynsla af háskólastarfi er kostur
Gott vald á upplýsingatækni og hæfni til að tileinka sér nýjungar
Frumkvæði í starfi ásamt mjög góðri skipulagshæfni og faglegum vinnubrögðum
Teymishugsun, lipurð og hæfni í mannlegum samskiptum
Mjög góð samskiptahæfni, þjónustulund og lausnamiðuð nálgun
Gott vald á íslensku og ensku, bæði í töluðu og rituðu máli

Umsóknarfrestur og nánari upplýsingarUmsóknum um starfið skal fylgja ítarleg ferilskrá og kynningarbréf þar sem gerð er grein fyrir ástæðu umsóknar og rökstutt hæfni viðkomandi fyrir starfið.

Nánari upplýsingar veitir Anna Steinunn Gunnarsdóttir, forstöðukona nemendaskrár og námsmats ([email protected]) og mannauðsdeild HR ([email protected]). Umsóknarfrestur er til og með 11. janúar 2026.

Umsóknum skal skilað í gegnum vef Háskólans í Reykjavík. Farið er með allar umsóknir og fyrirspurnir sem trúnaðarmál.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 330 talsins, auk 350 stundakennara.

Advertisement published2. January 2026

Application deadline11. January 2026

Language skills