Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

About

Verkefnastjóri í Tæknifræðideild

Háskólinn í Reykjavík leitar að kraftmiklum og skipulögðum verkefnastjóra í fjölbreytt og krefjandi starf í tæknifræðideild. Viðkomandi þarf að vera lausnamiðaður og hafa ánægju af því að vinna með fólki.

Tveir verkefnastjórar starfa á skrifstofu tæknifræðideildar auk skrifstofustjóra. Skrifstofan vinnur í nánu samstarfi við deildarforseta, fagstjóra, kennara, nemendur og stoðdeildir skólans.

Í boði er spennandi starf í metnaðarfullu og lifandi háskólaumhverfi. Starfið veitir ýmis tækifæri til að sýna frumkvæði með það að markmiði að skapa framúrskarandi náms- og vinnuumhverfi fyrir nemendur.

STARFSSVIÐ

Þjónusta og samskipti við nemendur og starfsfólk deildar
Stuðningur við skipulag námsleiða í samvinnu við fagstjóra
Virk þátttaka í faglegri þróun námsleiða, m.a. með yfirferð námskeiða sem tilheyra iðnfræði og byggingafræði
Skráning námskeiða, kennara og kennslubóka
Leiðsögn til umsækjanda um nám við deildina og úrvinnsla umsókna
Uppfærsla efnis á vef deildarinnar og á heimasíðu skólans
Þátttaka í stundatöflugerð og gerð kennsluskrár
Ýmiskonar gagnaöflun og úrvinnsla
Þátttaka í þróun og kynningu á náminu, t.d. á nýnemadögum og Háskóladeginum
Stuðningur með kennara með framsetningu á kennsluvefnum Canvas
Önnur tilfallandi störf

HÆFNISKRÖFUR

Háskólapróf sem nýtist í starfi
Rík þjónustulund, jákvæðni og lipurð í mannlegum samskiptum
Skipulögð og sjálfstæð vinnubrögð
Frumkvæði og drifkraftur
Góð kunnátta í íslensku og ensku, bæði í tali og rituðu máli
Góð tölvukunnátta nauðsynleg
Kostur ef viðkomandi hefur þekkingu eða reynslu af kennslufræði

Tæknifræðideild er ein stærsta deild skólans með um 650 nemendur, 13 akademísk stöðugildi og 4 starfsmenn á skrifstofu og á rannsóknarstofum. Deildin heldur utan um nám í iðnfræði (diplóma), tæknifræði (BSc) og byggingafræði (BSc), og sérhæft örnám fyrir atvinnulífið. Starfið er fjölbreytt og krefjandi í lifandi háskólaumhverfi og býður upp á tækifæri til að hafa áhrif á þróun náms í deildina. Um 150 nemendur útskrifast úr tæknifræðideild árlega.

Umsóknarfrestur er til og með 1. mars 2026. Farið verður með allar fyrirspurnir og umsóknir sem trúnaðarmál.

Fyrir frekari upplýsingar er áhugasömum boðið að hafa samband við Hjördís Láru Hreinsdóttur, skrifstofustjóra tæknifræðideildar ([email protected]), eða eða mannauðsdeild HR ([email protected]).

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 3.600 í sjö deildum og starfsfólk er um 330 talsins, auk 350 stundakennara.

Advertisement published17. February 2026

Application deadline1. March 2026

Language skills