Verkefnastjóri framkvæmda

Náttúruverndarstofnun óskar eftir að ráða skipulagðan og metnaðarfullan einstakling í verkefnastýringu framkvæmdaverkefna á friðlýstum svæðum. Verkefnin eru fjölþætt en felast einkum í uppbyggingu innviða og landvarðahúsa og utanumhaldi því tengdu. Verkefnastjórinn mun halda utan um framkvæmdir á svæðunum í nánu samstarfi við þjóðgarðsverði og svæðisstjóra. Starfinu fylgja mikil samskipti við framkvæmdaaðila og opinbera aðila. Um fullt starf er að ræða sem tilheyrir Þróunarsviði Náttúruverndarstofnunar.

Helstu verkefni og ábyrgð:

• Verkefnastjórn framkvæmda vegna uppbyggingar innviða
• Utanumhald verkefna í eigna- og verkefnaskrá stofnunarinnar
• Fulltrúi Náttúruverndarstofnunar í verkefnum í umsjón Framkvæmdasýslunnar - Ríkiseigna
• Leyfismál
• Samningagerð, samskipti og eftirfylgni við verktaka og hönnuði
• Gerð framkvæmda- og kostnaðaráætlana
• Gerð og rýni útboðs- og verðtilboðsgagna
• Samantekt og miðlun upplýsinga um framgang verkefna (t.d. PowerBI skýrslur o.þ.h)
• Þarfagreining og forgangsröðun verkefna í samvinnu við svæðisstjóra um allt land

Menntunar- og hæfniskröfur:

• Háskólamenntun sem nýtist í starfi, svo sem á sviði verkfræði eða tæknifræði
• Haldbær reynsla af verkefnastýringu framkvæmdaverkefna
• Þekking á skipulagsmálum sveitarfélaga er kostur
• Þekking á opinberri stjórnsýslu er kostur
• Framúrskarandi samskiptahæfni og jákvætt viðhorf
• Frumkvæði og sjálfstæði í vinnubrögðum
• Góð íslensku- og enskukunnátta í ræðu og riti

Um Náttúruverndarstofnun:

Náttúruverndarstofnun hefur umsjón með um 130 náttúruverndarsvæðum þ.m.t. Snæfellsjökulsþjóðgarði og Vatnajökulsþjóðgarði. Eitt af okkar stærstu verkefnum í náttúruvernd er uppbygging innviða með bætt aðgengi, öryggi og verndun að leiðarljósi. Framundan eru margvísleg og spennandi verkefni á þessu sviði.

Vinnustaðurinn okkar er fjölbreyttur og lifandi með starfsemi vítt og breitt um landið. Við búum yfir mikilli sérfræðiþekkingu, höfum tækifæri til að þróast í starfi og ástunda endurmenntun. Vinnuvikan er 36 stundir.

Náttúruverndarstofnun starfar á 16 starfsstöðvum um landið sem eru: Hvolsvöllur, Geysir, Selfoss, Garðabær, Hellissandur, Hvanneyri, Patreksfjörður, Ísafjörður, Akureyri, Gígur í Mývatnssveit, Egilsstaðir, Ásbyrgi, Skaftafell, Höfn í Hornafirði, Kirkjubæjarklaustur og Reyðarfjörður.

Frekari upplýsingar um starfið:

Umsóknarfrestur er til og með 3. mars 2026. Umsókn óskast fyllt út á www.intellecta.is og skal henni fylgja ítarleg starfsferilskrá ásamt kynningarbréfi þar sem fram kemur ástæða umsóknar og rökstuðningur fyrir hæfni viðkomandi í starfið.

Við hvetjum áhugasöm til að sækja um óháð kyni og uppruna. Öllum umsóknum verður svarað þegar ákvörðun um ráðningu hefur verið tekin. Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags. Gagnkvæmur reynslutími er sex mánuðir við ráðningu. Æskilegt er að verkefnastjórinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Nánari upplýsingar um starfið veita Lea Kristín Guðmundsdóttir ([email protected]) í síma 511 1225 og Sigrún Ágústsdóttir, forstjóri Náttúruverndarstofnunar, í síma 556 6800.