Umsjónarkennarar á miðstig, kennari í tónmennt og kennari í sköpun og tækni

Salaskóli er grunnskóli fyrir nemendur í 1. til 10. bekk, staðsettur á grónu svæði við Versali í Kópavogi. Skólinn var stofnaður árið 2001 og fagnar því 25 ára starfsafmæli á þessu ári. Í skólanum eru um 500 nemendur og þar starfar vel menntað og metnaðarfullt starfsfólk. Rík hefð er fyrir þróunarstarfi þar sem m.a. er lögð áhersla á einstaklingsmiðað nám, fjölbreytta kennsluhætti, leiðsagnarnám, teymiskennslu, jákvæðan skólabrag og gott samstarf við foreldra og nærsamfélagið. Í Salaskóla er rekin sérdeild fyrir börn með einhverfu, frístund fyrir nemendur í 1.-4. bekk og gott samstarf er við félagsmiðstöðina Fönix sem staðsett er í skólahúsnæðinu. Gildi Salaskóla eru vinátta, virðing og samstarf.

Í Salaskóla vinna kennarar saman í teymum við undirbúning og skipulagningu náms og kennslu og mikil áhersla er lögð á fjölbreytta kennsluhætti. Rauður þráður í starfi skólans er að nemendur fái að njóta sín í námi og leik og að þeim líði vel í skólanum.

Umsjónarkennara vantar á miðstig fyrir skólaárið 2026-2027

Umsjónarkennarar á miðstigi starfa saman í 2-3 manna teymum auk samstarfs við stoðþjónustu og foreldra. Umsjónarkennarar á miðstigi kenna allar bóklegar greinar í sínum árgangi og áhersla er á fjölbreytta kennsluhætti, samþættingu í námi og uppbyggilega nálgun gagnvart námi og líðan nemenda.

Tónmenntakennara vantar fyrir skólaárið 2026-2027

Um er að ræða tónmenntakennslu í 1.-7. bekk, valgreinar á unglingastigi og viðveru/þátttöku í viðburðum tengdum skólahaldinu, m.a. undirspil, stýring á þátttöku nemenda í söng og framkomu o.fl. Samstarf við umsjónarkennarateymi og teymi list- og verkgreinakennara um nám og kennslu og velferð nemenda. Kennsla fer að einhverju leyti fram í lotum/smiðjum með skipulagi sem nær yfir allt skólaárið.

Kennara vantar í sköpun og tækni (snillismiðju) fyrir skólaárið 2026-2027

Um er að ræða kennslu í sköpun og tækni á öllum aldursstigum þar sem hugmyndafræði hönnunarhugsunar stýrir ferli nemenda í sköpun, hönnun og útfærslu verkefna. Efnistök eru fjölbreytt og meðal annars notaðir þrívíddarprentarar, vínilskerar o.fl. Samstarf við umsjónarkennarateymi og teymi list- og verkgreinakennara um nám og kennslu og velferð nemenda. Kennsla fer að einhverju leyti fram í lotum/smiðjum með skipulagi sem nær yfir allt skólaárið.