Umsjónarkennarar óskast

Bláskógaskóli á Laugarvatni er grunnskóli með um 60 nemendur í 1.–10. bekk. Skólinn er Grænfánaskóli og byggir starf sitt á einkunnarorðunum virðing – vinátta – gleði, sem endurspeglast í öllu skólastarfi og samskiptum innan skólasamfélagsins.

Í skólanum er unnið með samkennslu árganga í litlum hópum þar sem áhersla er lögð á samstarf, sveigjanleika og fjölbreytta kennsluhætti.

Við leitum að metnaðarfullum og framsæknum umsjónarkennurum í 100% starfshlutfall frá 1. ágúst 2026, sem vilja starfa í litlu og samhentu skólasamfélagi þar sem fagmennska, teymisvinna og vellíðan nemenda eru í fyrirrúmi.