Aðstoðarskólastjóri í Bláskógaskóla

Bláskógaskóli á Laugarvatni er grunnskóli með um 60 nemendur í 1.–10. bekk. Skólinn er Grænfánaskóli og byggir starf sitt á einkunnarorðunum virðing – vinátta – gleði, sem endurspeglast í öllu skólastarfi og samskiptum innan skólasamfélagsins.

Í Bláskógaskóla er lögð áhersla á faglegt og metnaðarfullt skólastarf þar sem nemendur fá tækifæri til að vaxa og dafna í jákvæðu og styðjandi umhverfi. Skólinn einkennist af nánu samstarfi starfsfólks, nemenda og foreldra og sterkri teymisvinnu þar sem hver einstaklingur skiptir máli.

Aðstoðarskólastjóri er hluti af stjórnendateymi skólans og gegnir lykilhlutverki í daglegri stjórnun, faglegri forystu og áframhaldandi þróun skólastarfs í samstarfi við skólastjóra og starfsfólk.