Sumarstörf - Kópavogsbær

Kópavogsbær býður upp á fjölbreytt sumarstörf á hverju ári fyrir 18 ára og eldri. Í boði eru m.a. störf í Þjónustumiðstöð, garðyrkju, skógrækt, sundlaugum, íþróttavöllum, sumarnámskeiðum fyrir börn, skapandi sumarstörf og á bæjarskrifstofum svo eitthvað sé nefnt.

About

Sumarstarf - Helgarvinna í Kópavogslaug

Laus eru til umsóknar sumarstörf í Kópavogslaug

Sundlaug Kópavogs er staðsett í vesturbæ Kópavogs stutt frá Hamraborginni og er einn stærsti sundstaður landsins. Þar eru sundlaugar úti og inni, ásamt heitum pottum, köldum potti, gufubaði og rennibrautum. Hjá lauginni eru á fjórða tug starfsmanna, 7 til 10 starfsmenn á hverri vakt.

Laugin er opin virka daga frá kl. 06:30 til 22:00 og um helgar frá 08.00 til 20.00. Vinnan hefst 15 mín. fyrir opnun og lýkur 30 mín. eftir lokun. Unnið er á tveimur vöktum virka daga en einni vakt um helgar.

Kópavogslaug auglýsir eftir sumarstarfsfólki til starfa bæði í fullt starf sem og helgarstarf. Þessi umsókn er eingöngu um helgarstarf.

Allir starfsmenn fá kennslu í skyndihjálp, björgun og fleiru.

Helstu verkefni og ábyrgð

Laugarvarsla sem felst í öryggiseftirliti og þrifum við laugar bæði úti og inni.
Baðvarsla sem einkum er fólgin í þrifum í bað- og búningsklefum auk öryggisgæslu á þeim stöðum.
Afgreiðsla þar sem sala í laug og á ýmsum vörum fer fram, símsvörun, upplýsingagjöf, þrif og öryggiseftirlit.

Menntunar- og hæfniskröfur

Umsækjandi verður að vera orðið 20 ára.
Allgóð sundkunnátta er áskilin, því laugarverðir verða að standast sundpróf, sem er svipað og 10. sundstig grunnskóla.
Stundvísi, samstarfseiginleikar, reglusemi, vinnusemi, samviskusemi og þjónustulund eru eiginleikar sem við metum mikils.
Umsækjendur þurfa að hafa hreint sakavottorð.
Sundlaug Kópavogs er reyklaus vinnustaður.
Góð íslenskukunnátta.

Áríðandi er að upplýsingar um meðmælendur fylgi umsókninni.

Starfshlutfall: 37% (mögulega 18,5%) eða 26,3%. Hvoru tveggja helgarvinna.

Starfstímabil: Stærri staðan frá miðjum maí til um miðjan ágúst. Unnar eru tvær helgar svo tvær helgar frí af hverjum fjórum. Vinnutími frá 07:45 til 20:30, laugardag og sunnudag. Minni staðan frá miðjum maí til 31. september. Unnin er önnur hver helgi. Vinnutími frá klukkan 11:30 til 20:30 laugardag og sunnudag.

Námskeið og þjálfun fara fram dagana 18. til 21. maí.

Erum einnig að leita að sumarstarfsmönnum í fullt starf Sumarstarf - Fullt starf í Kópavogslaug | Sumarstörf - Kópavogsbær

Launakjör samkvæmt kjarasamningi Sambands íslenskra sveitarfélaga og Starfsmannafélags Kópavogs.

Umsóknarfrestur er til og með 2. febrúar.

Nánari upplýsingar gefur Jakob Þorsteinson forstöðumaður í netfanginu [email protected]

Advertisement published16. January 2026

Application deadlineNo deadline

Language skills