Háskólinn á Hólum

Háskólinn á Hólum er öflugur háskóli sem býður upp á gæðanám á grunn- og framhaldsnámsstigi háskóla sem og öflugt rannsóknarstarf. Háskólinn er miðstöð þekkingar á þremur sérsviðum sem eru hestafræði, ferðamálafræði og fiskeldis-, sjávar- og vatnalíffræði. Gildi skólans eru fagmennska, virðing og sköpun.

About

Stöðvarstjóri skólabús Háskólans á Hólum

Háskólinn á Hólum leitar að öflugum stöðvarstjóra á skólabú hestafræðideildar á Hólum í Hjaltadal. Á skólabúi háskólans eru m.a. þrjár reiðhallir, rúmlega 200 eins hesta stíur, hringvellir og kynbótabraut. Starfið felur í sér fjölbreytt verkefni við rekstur skólabús, m.a. umsjón með starfsmönnum, hestahaldi, aðstöðu og fjárhag búsins. Starfið hentar metnaðarfullum aðila, með reynslu og áhuga á hestahaldi, sem hefur gaman samskiptum við fólk og þrífst vel í lifandi starfsumhverfi. Æskilegt er að viðkomandi geti hafið störf sem fyrst.

Helstu verkefni og ábyrgð

Umsjón með rekstri skólabús
Umsjón með hestahaldi búsins, bújörð, aðstöðu, vélum og tækjum
Umsjón með starfsmönnum skólabús og skipulagning verkefna
Virk þátttaka í kennslu- og rannsóknarstarfi hestafræðideildar
Virk þátttaka í daglegum störfum innan búsins Önnur tilfallandi verkefni í samráði við deildarstjóra

Menntunar- og hæfniskröfur

Háskólamenntun sem nýtist í starfi, s.s. á sviði hestamennsku, búvísinda eða stjórnunar
Farsæl reynsla af búrekstri eða rekstri í hestamennsku
Haldbær reynsla af hestahaldi og hestamennsku
Mjög góð færni í mannlegum samskiptum og skipulagshæfni
Reynsla af starfsmannahaldi er kostur
Reynsla af þátttöku í kennslu- eða rannsóknarstarfi er kostur
Líkamlegt hreysti
Góð færni í ræðu og riti á íslensku, grunnfærni í ensku
Góð tölvukunnátta

Frekari upplýsingar um starfið

Á Hólum er fjölskylduvænt samfélag, einstök náttúra og sögurík umgjörð. Á staðnum er leikskóli og aðstoðar háskólinn við að útvega húsnæði í Skagafirði ef þess er þörf.

Um meðferð umsókna, mat á hæfi umsækjenda og ráðningu í starfið er farið eftir ákvæðum laga um opinbera háskóla nr. 85/2008. Launakjör eru skv. kjarasamningi fjármálaráðherra við viðkomandi stéttarfélag. Um starfskjör, réttindi og skyldur gilda að öðru leyti lög um réttindi og skyldur starfsmanna ríkisins nr. 70/1996.

Um 100 % stöðu er að ræða. Umsóknarfrestur er til og með 9. september 2024 og sótt er um starfið á starfatorg.is. Öllum umsóknum verður svarað og umsækjendum tilkynnt um ráðstöfun starfsins þegar ákvörðun um ráðningu hefur verið tekin. Nánari upplýsingar um starfið veitir Auður Inga Ingimarsdóttir, mannauðsráðgjafi á [email protected].

Advertisement published29. August 2024

Application deadline9. September 2024

Language skills