Starfsmaður í verslun - fullt starf

Vegna aukinna umsvifa ætlum við að stækka GG Sport teymið okkar og leitum að hörkuduglegum einstaklingi í fullt starf í verslun okkar. Vinnutími er virka daga kl. 09-17 og af og til um helgar kl. 11-15. Réttur einstaklingur þarf að geta hafið störf sem fyrst.

GG Sport er yfirgripsmikil útivistar-, ferða- og lífstílsverslun sem er þekkt fyrir hlýleika sinn og notalegt andrúmsloft. Í versluninni er vegleg skíðadeild yfir vetrartímann og leitum við að einstaklingi sem hefur meðal annars mikinn áhuga á skíðum og skíðamennsku, þekking á gönguskíðum kemur sér sérstaklega vel.
Í versluninni starfar fagfólk sem vinnur í samvinnu að því að veita viðskiptavinum góða leiðsögn og þjónustu. Við óskum eftir traustum einstaklingum í hópinn sem vilja starfa eftir gildum fyrirtækisins og leggja sig fram við að ná hámarksárangri í starfi.