Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

About

Vélvirki, vélstjóri eða bifvélavirki óskast á vélaverkstæði

Eimskip óskar eftir að ráða vélvirkja, vélstjóra, bifvélavirkja eða fólk með viðeigandi reynslu til framtíðarstarfa á vélaverkstæði félagsins í Sundahöfn.

Við bjóðum upp á fjölbreytt og krefjandi verkefni í fyrsta flokks vinnuaðstöðu þar sem fagmennska og öryggi eru í forgrunni. Verkstæðið er hluti af samheldnu teymi sem vinnur að viðhaldi og uppbyggingu tækja og búnaðar sem styður við alþjóðlega flutningsstarfsemi Eimskips.

Um fullt starf er að ræða. Unnið er mánudaga til fimmtudaga frá kl. 07:30 - 16:00 og til kl. 13:30 á föstudögum.

Helstu verkefni og ábyrgð

Almennar viðgerðir og bilanagreining vökva-, raflagna- og annars vélbúnaðr.
Fyrirbyggjandi viðhald tækja og búnaðar
Önnur tilfallandi verkefni

Menntunar- og hæfniskröfur

Nám í vélvirkjun, vélstjórn, bifvélavirkjun eða 3ja ára reynsla er skilyrði
Reynsla af viðgerðum á stórum tækjum er kostur
Reynsla af vökvabúnaði og raflögnum er kostur
Góð kunnátta í íslensku og/eða ensku er skilyrði
Góð þjónustulund og jákvæðni

Fríðindi í starfi

Öflugt Starfsmannafélag sem rekur m.a. orlofshús víðs vegar um landið
Heilsu- og hamingjupakki fyrir starfsfólk sem inniheldur samgöngustyrk, og styrki fyrir líkamsrækt, sálfræðiþjónustu og fleira
Gott mötuneyti og matur niðurgreiddur fyrir starfsfólk
Sveigjanlegt og fjölskylduvænt vinnuumhverfi
Samkeppnishæf laun

Nánari upplýsingar um starfið veitir Ragnar Már Sveinsson, rekstrarstjóri, [email protected].

Umsóknarfrestur er til og með 21.september 2026.

Í anda jafnréttisstefnu Eimskips eru öll kyn hvött til að sækja um. Eingöngu er tekið á móti umsóknum í gegnum ráðningarvef Eimskips. Hreint sakavottorð og 18 ára aldur er skilyrði fyrir ráðningu hjá Eimskip.

Advertisement published7. September 2026

Application deadline21. September 2026

Language skills