Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

About

Meiraprófsbílstjóri á dag- og kvöldvöktum

Eimskip innanlands leitar að þjónustuliprum og ábyrgum meiraprófsbílstjóra með aukin ökuréttindi. Um er að ræða framtíðarstarf í vaktavinnu þar sem unnið er aðra vikuna frá kl. 08:00–16:00 og hina vikuna frá kl. 16:00–00:00. Á dagvöktum felst starfið í gámaakstri á höfuðborgarsvæðinu en á kvöldvöktum í akstri á landsbyggðinni.

Starfið tilheyrir Innanlandssviði Eimskips, en á sviðinu starfa um 400 starfsmenn í fjölbreyttum störfum á 18 starfsstöðvum víðs vegar um landið. Við bjóðum upp á fjölbreytt og krefjandi verkefni í fyrsta flokks vinnuaðstöðu þar sem fagmennska og öryggi eru í forgrunni.

Helstu verkefni og ábyrgð

Akstur flutningabíla, lestun og losun
Jákvæð samskipti og framúrskarandi þjónusta til viðskiptavina
Önnur tilfallandi verkefni

Menntunar- og hæfniskröfur

Meirapróf CE er skilyrði
Réttindi til aksturs í atvinnuskyni er skilyrði
Lyftarapróf er kostur
ADR réttindi er kostur
Góð íslensku og/eða ensku kunnátta
Geta til að vinna undir álagi
Framúrskarandi þjónustulund og jákvæðni
Frumkvæði og sjálfstæð vinnubrögð
Stundvísi, áreiðanleiki og góð líkamleg færni

Fríðindi í starfi

Aðgangur að öflugu starfsmannafélagi sem m.a. rekur frábær orlofshús um allt land.
Heilsu- og hamingjupakki sem inniheldur samgöngustyrk og styrki fyrir líkamsrækt, sálfræðiþjónustu og fleira.
Nýjan og vel útbúin flutningabíl

Nánari upplýsingar um starfið veitir Þorsteinn Óli Eggertsson, rekstrarstjóri, [email protected].

Umsóknarfrestur er til og með 17.september 2026.

Í anda jafnréttisstefnu Eimskips eru öll kyn hvött til að sækja um. Umsóknum skal skilað í gegnum vefsvæði Eimskips, www.eimskip.is. Öllum umsóknum verður svarað og farið með þær sem trúnaðarmál. Hreint sakavottorð og 18 ára aldur er skilyrði fyrir ráðningu hjá Eimskip.

Advertisement published3. September 2026

Application deadline17. September 2026

Language skills