Starf á tannlæknastofu

Starfskraftur óskast á tannlæknastofuna í Staðarbergi. Reynsla af svipuðu starfi er kostur, en ekki krafa. Um er að ræða 90-100% starf, en einnig kemur til greina að ráða í tvö 50% stöðugildi.

Við leitum að duglegri, áreiðanlegri og hlýlegri manneskju með ríka þjónustulund til að aðstoða tvo tannlækna. Viðkomandi þarf að hafa góða færni í mannlegum samskiptum, ekki síst við börn. Góð tök á íslensku, ensku og almennri tölvunotkun eru mikilvæg.

Í starfinu felst meðal annars símasvörun, samskipti við birgja, tímabókanir, afgreiðsla, sótthreinsun áhalda og aðstoð og frágangur við tannlæknastól. Hreinlæti og nákvæmni er mjög mikilvæg.

Viðkomandi þarf að geta unnið sjálfstætt undir álagi og geta hafið störf eigi síðar en 1. mars nk.