Sjóðstjóri hlutabréfasjóða hjá Íslandssjóðum
Íslandssjóðir leita að öflugum og metnaðarfullum sjóðstjóra til að stýra hlutabréfasjóðum félagsins.
Íslandssjóðir eru leiðandi sjóðastýringarfyrirtæki landsins og bjóða fjölbreytt úrval verðbréfasjóða og sérhæfðra fjárfestingalausna fyrir einstaklinga, fyrirtæki og fagfjárfesta. Hjá félaginu starfar öflugur hópur sérfræðinga með víðtæka reynslu af fjármálamörkuðum og eignastýringu, þar sem lögð er áhersla á fagmennsku, agað fjárfestingarferli og ábyrgar fjárfestingar.
Við leitum að metnaðarfullum einstaklingi með sterka greiningarhæfni, góða þekkingu á fjármálamörkuðum og brennandi áhuga á fjárfestingum. Æskilegt er að viðkomandi sé framtakssamur og söludrifinn, hafi gott lag á samskiptum og geti tekið virkan þátt í að þróa og efla viðskiptasambönd félagsins. Starfið býður upp á krefjandi og fjölbreytt verkefni í öflugu starfsumhverfi þar sem árangur, samstarf og fagleg framþróun eru í fyrirrúmi.
- Greining markaða, fyrirtækja og fjárfestingarkosta á innlendum hlutabréfamarkaði.
- Mat á fjárfestingatækifærum og fjárfestingaákvarðanir.
- Samskipti við samstarfsaðila og viðskiptavini.
- Áframhaldandi þróun á vörum og þjónustu.
- Önnur verkefni samkvæmt nánara samkomulagi.
- Háskólamenntun sem nýtist í starfi.
- Reynsla og góð þekking á fjármálamörkuðum, fjárfestingum og verðbréfum.
- Sterk greiningarhæfni til að taka upplýstar ákvarðanir.
- Sjálfstæð, öguð og fagleg vinnubrögð.
- Frumkvæði, metnaður og drifkraftur.
- Framúrskarandi samskipta- og samstarfshæfni.
- Gott vald á íslensku og ensku, bæði í ræðu og riti.
- Verðbréfaréttindi eru æskileg.
- Krefjandi og áhrifamikið starf hjá leiðandi sjóðastýringarfyrirtæki.
- Tækifæri til að starfa með öflugu teymi sérfræðinga.
- Metnaðarfullt og faglegt starfsumhverfi sem styður við frumkvæði og þróun.
- Tækifæri til faglegs vaxtar og þróunar.
English
Icelandic
