Sérkennsla/stuðningur

Við leitum að sjálfstæðum og reyndum starfsmanni til að sinna fjölbreyttum verkefnum tengdum sérkennslu. Við erum að leita að einstaklingi sem er til í að ganga í öll verkefni með bros á vör. Reynsla og/eða áhugi er nauðsynleg.

Helstu verkefni og ábyrgð

Að vinna að uppeldi og menntun leikskólabarna samkvæmt stefnu og skipulagi skólans undir stjórn deildarstjóra og sérkennslustjóra.
Að veita barni með sérþarfir leiðsögn og stuðning.
Að eiga samstarf við foreldra, fagaðila og aðra ráðgjafa.
Að vinna að gerð einstaklingsnámskrár og fylgja henni eftir.
Að sinna þeim verkefnum er varða sérkennslu og öðrum störfum innan leikskólans sem yfirmaður felur honum.

Menntunar- og hæfniskröfur

Leyfisbréf kennara, önnur uppeldismenntun eða önnur menntun sem nýtist í starfi.
Reynsla af uppeldis- og kennslustörfum með ungum börnum æskileg.
Góð samskiptafærni.
Frumkvæði í starfi.
Sjálfstæð og skipulögð vinnubrögð.
Góð íslenskukunnátta.
Hreint sakavottorð

Fríðindi í starfi

- Hádegismatur
- Sundkort
36 stunda vinnuvika miðað við 100% starf
- Menningarkort
- Heilsustyrkur
- Samgöngustyrkur

Hraunborg er þriggja deilda leikskóli í Hraunbergi 10 í Breiðholti í Reykjavík. Leikskólinn er staðsettur í jaðri Elliðaárdals og stutt er í skemmtilegar gönguleiðir og opin náttúrusvæði. Í leikskólanum er lögð áhersla á læsi í víðum skilningi, málörvun, stærðfræði, hreyfingu, vettvangsferðir, samskipti og sköpun. Starfað er í anda sjálfsstjórnarkenninga um Jákvæðan aga og í anda heiltækrar skólastefnu með fjölbreyttum starfsháttum og viðfangsefnum til að koma til móts við þarfir ólíkra einstaklinga. Einkunnarorð Hraunborgar og leiðarljós í starfi eru: Leikur, læsi og lífsgleði.

Advertisement published18. March 2026

Application deadline1. April 2026

Language skills