Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

About

Leikskólaráðgjafi til skólaþjónustu

Skólaþjónusta Árborgar auglýsir stöðu leikskólaráðgjafa til að ganga til liðs samheldinn og þverfaglegan hóp starfsfólks. Skólaþjónustan er hluti af fjölskyldusviði Árborgar þar sem mikil áhersla er lögð á þverfaglegt samstarf skóla-, velferðar- og frístundaþjónustu.

Skólaþjónustan sinnir margþættum verkefnum með það að leiðarljósi að mæta fjölbreyttum þörfum barna, foreldra og starfsfólks skóla og frístundar. Mikil áhersla er lögð á snemmtækan stuðning, lausnaleit, þróun úrræða, öfluga skólaþróun, fræðslu og námskeið bæði fyrir börn, foreldra og starfsfólk skóla og frístundar.

Í Sveitarfélaginu Árborg búa um 12000 íbúar þar af um 2300 börn í leik- og grunnskólum.

Helstu verkefni og ábyrgð

ráðgjöf til starfsfólks og stjórnenda leikskóla m.a. varðandi kennslu, hegðun og líðan barna og starfstengda leiðsögn
ráðgjöf varðandi starfsþróun og starfshætti í leikskólum
eftirfylgd og mat á stuðningsþörf barna eftir greiningar eða skimanir
þverfaglegt samstarf um málefni barna í leikskólum
fræðsla og námskeið fyrir foreldra og starfsfólk leikskóla
daggæslumál, m.a. eftirlit með dagforeldrum, umsjón með niðurgreiðslu daggæslu og fræðsla þegar við á.
þátttaka í daggæsluteymi
þverfaglegt samstarf á fjölskyldusviði

Menntunar- og hæfniskröfur

háskólapróf í leikskólakennarafræðum er skilyrði
framhaldsmenntun sem nýtist í starfi er æskileg
reynsla af starfi úr leikskólum er skilyrði
reynsla af leikskólaráðgjöf er æskileg
reynsla af teymisvinnu og þverfaglegu samstarf er æskileg
lipurð og góð færni í mannlegum samskiptum
frumkvæði og sjálfstæði í vinnubrögðum og góð skipulagshæfni
góð íslenskukunnátta og hæfni til að tjá sig í ræðu og riti er skilyrði

Fríðindi í starfi

Sveigjanlegur vinnutími, full vinnustytting, góður starfsandi, handleiðsla

Umsóknarfrestur er til og með 7. apríl 2026.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Um 100% stöðu er að ræða frá 1. júlí 2026. Vakin er athygli á stefnu Sveitarfélagsins Árborgar að jafna hlutfall kynja í störfum hjá sveitarfélaginu og að vinnustaðir endurspegli fjölbreytileika samfélagsins.

Nánari upplýsingar veitir Margrét Björk Brynhildardóttir, deildarstjóri skólaþjónustu, [email protected], sími 480-1900.

Umsókn fylgi yfirlit yfir nám og fyrri störf, ásamt greinargóðum rökstuðningi fyrir hæfni í starfið. Umsóknum er skilað á Alfreð.is

Advertisement published19. March 2026

Application deadline7. April 2026

Language skills