Sjúkratryggingar Íslands

Sjúkratryggingar er lykilstofnun í íslensku heilbrigðiskerfi. Við tryggjum réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu óháð efnahag. Sjúkratryggingar vinna í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna. Boðið er upp á sveigjanlegan vinnutíma, fjarvinnu allt að 2 daga í viku auk þess sem starfsfólk nýtur hlunninda á borð við íþróttastyrk og samgöngustyrk vegna vistvænna samgangna. Stofnunin hefur undanfarin ár tekið þátt í verkefninu um styttingu vinnuvikunnar og er vinnuvikan 36 stundir.

About

Sérfræðingur í þjónustumiðstöð - Greiðslukerfi

Vilt þú vinna í spennandi og síbreytilegu umhverfi þar sem þú tekur þátt í að þróa og efla íslenska heilbrigðisþjónustu?

Sjúkratryggingar leita að öflugum og lausnamiðuðum sérfræðingi til að starfa í þjónustumiðstöð stofnunarinnar. Um er að ræða fjölbreytt og krefjandi starf þar sem áhersla er lögð á þjónustu við almenning og fagfólk, úrvinnslu og framkvæmd við greiðslukerfi, umbætur í verkferlum og þátttöku í stafrænni umbreytingu.

Sjúkratryggingar eru lykilstofnun í íslensku heilbrigðiskerfi sem tryggir réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu.

Helstu verkefni og ábyrgð

Afgreiðsla mála sem varða greiðslukerfi Sjúkratrygginga.
Framkvæmd greiðslna samkvæmt samningum Sjúkratrygginga við heilbrigðisveitendur.
Umsjón og framkvæmd á verkefnum ákveðna málaflokka þjónustumiðstöðvar undir verkstjórn teymisstjóra.
Þátttaka við ferlagerð, innleiðingu umbóta og vinnusparandi tækni.
Miðlæg móttaka og skráning erinda og gagna.
Gerð samantekta, greiningavinna og úrvinnsla upplýsinga.
Ráðgjöf og þjónusta við einstaklinga og heilbrigðisstarfsfólk.
Þátttaka í þróun og innleiðingu stafrænna lausna.
Þverfaglegt samstarf innan þjónustumiðstöðvar og við aðrar einingar stofnunarinnar.

Menntunar- og hæfniskröfur

Háskólamenntun sem nýtist í starfi, t.d. í opinberri stjórnsýslu, heilbrigðisvísindum, viðskiptafræði eða upplýsingatækni.
Reynsla af þjónustustörfum og stjórnsýslu er kostur.
Áhugi á stafrænni þróun og umbótum í opinberri þjónustu.
Mjög gott vald á íslensku og ensku í mæltu og rituðu máli.
Góð færni í mannlegum samskiptum og lausnamiðuð hugsun.
Skipulagshæfni og sjálfstæði í vinnubrögðum.
Lipurð í samskiptum, jákvætt viðmót og rík þjónustulund.
Frumkvæði, metnaður og vönduð vinnubrögð.
Geta til að starfa bæði sjálfstætt og í hópi.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja ítarleg starfsferilskrá og sérstakt kynningarbréf þar sem gerð er grein fyrir hæfni umsækjanda sem nýtist í starfi. Áhugasamir einstaklingar, óháð kyni eru hvattir til að sækja um starfið.

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar www.sjukra.is.

Advertisement published23. July 2025

Application deadline5. August 2025

Language skills