Sérfræðingur í ráðgjöf með sjúkrarúm og tengd hjálpartæki

Markmið okkar er að bæta lífsgæði og auka þátttöku fólks í samfélaginu.

Öryggismiðstöðin auglýsir eftir sérfræðingi með áherslu á ráðgjöf og sölu á sjúkra- og hjúkrunarrúmum og tengdum vörum, t.d. dýnum og fólkslyfturum.

Við viljum ráða fagmanneskju með sterkan tæknilegan bakgrunn sem er lausnamiðuð, hvetjandi og tilbúin að taka virkan þátt í faglegri þróun og verða hluti af sterkri liðsheild.

Um er að ræða framtíðarstarf í öflugu fagteymi á traustum og metnaðarfullum vinnustað. Lögð er rík áhersla á jákvæðni, fagmennsku og virðingu gagnvart vinnustaðnum og viðskiptavinum sem til okkar leita.

Tækifæri eru til að auka þekkingu innan velferðartækni og vinna með skemmtilegu fólki. Mikil áhersla er lögð á einstaklingsmiðaða þjónustu í þverfaglegri samvinnu við hagaðila.

Hæfniskröfur:

• Tæknileg þekking og reynsla af ráðgjöf og þjónustu við sjúkra- og hjúkrunarrúm eða sambærilegar vörur, er mikill kostur, t.d. starfsreynsla í faginu og tæknimenntun
• Reynsla af sölustörfum í heilbrigðisgeiranum er mikill kostur
• Þekking á helstu forvörnum gegn þrýstingssárum er kostur
• Að hafa brennandi áhuga og getu til að tileinka sér þekkingu á velferðartækni
• Hæfni í mannlegum samskiptum og jákvætt viðmót
• Drifkraftur ásamt áhuga, vilja og elju til að ná árangri í starfi
• Skipulagshæfni, frumkvæði og sjálfstæð vinnubrögð
• Rík þjónustulund og jákvæðni
• Góð íslensku- og enskukunnátta
• Góð tölvufærni er nauðsynleg

Helstu verkefni sérfræðings eru:

Að veita faglega ráðgjöf, greina þarfir og finna viðeigandi lausnir fyrir fagaðila, stofnanir, fyrirtæki og einstaklinga. Setja á skýran hátt fram hvernig lausnir okkar í heilbrigðistækni styðja við og bæta lífsgæði notanda. Halda kynningar, gera tilboð og fylgja eftir verkefnum. Vera tæknilegur leiðtogi vöruflokksins og þátttakandi í áframhaldandi þróun hans. Finna má greinargóðar upplýsingar um lausnir í velferðartækni á www.oryggi.is.

Sækja skal um starfið í gegnum Alfreð.

Nánari upplýsingar um starfið veitir Ómar Örn Jónsson, framkvæmdastjóri Velferðar og ráðgjafar, í síma 570 2400 eða netfang omar@oryggi.is.

Umsóknarfrestur er til 22. nóv. 2024

Farið verður með allar umsóknir sem trúnaðarmál. Vakin er athygli á því að starfsmenn Öryggismiðstöðvarinnar þurfa að skila inn sakavottorði.