Tryggingastofnun

Tryggingastofnun er þjónustustofnun sem gegnir lykilhlutverki í velferðarþjónustu Íslands. Hlutverk stofnunarinnar er að framfylgja lögum um almannatryggingar, lögum um félagslega aðstoð og lögum um málefni langveikra barna. Hjá TR starfa um 100 starfmenn með hátt menntunarstig og mikla fagþekkingu. Starfsfólki er boðið upp á nútímalegt vinnuumhverfi þar sem ríkir góður starfsandi, sveigjanlegur vinnutími og mikil samvinna.

About

Sérfræðingur á fjármálasviði

Hefur þú áhuga á að starfa í krefjandi fjármálaumhverfi þar sem reynir á góða þekkingu á bókhaldi, innkaupum og öguðum og vönduðum vinnubrögðum? Þá gætir þú átt heima í frábæru starfsmannateymi TR.

Helstu verkefni og ábyrgð

Færsla bókhalds, afstemning og reikningagerð
Innkaup aðfanga
Tekur þátt í vinnu við umhverfis- og loftslagsmál.
Kemur að þróun og viðhaldi verklagsreglna í gæðahandbók.
Önnur tilfallandi verkefni

Menntunar- og hæfniskröfur

Háskólapróf á sviði viðskiptafræði eða hliðstætt próf sem nýtist í starfi. Framhaldsmenntun kostur.
Reynsla og/eða þekking af bókhaldi
Góð skipulagshæfni, talnagleggni og nákvæm vinnubrögð
Faglegur metnaður, frumkvæði og jákvætt hugar
Góð kunnátta í íslensku, ensku og upplýsingatækni.

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ferilskrá og ítarlegt kynningarbréf á íslensku um hvers vegna sótt er um starfið, rökstuðningi um færni viðkomandi til að gegna starfinu og upplýsingar um árangur sem viðkomandi hefur náð í fyrri störfum. Jafnframt skal leggja fram leyfisbréf og staðfestar upplýsingar um menntun.

Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað.

Tryggingastofnun er þjónustustofnun almannatrygginga. Hjá TR ríkir góður starfsandi og boðið er upp á góða vinnuaðstöðu og sveigjanlegan vinnutíma. Karlar jafnt sem konur eru hvött til að sækja um. TR hefur hlotið jafnlaunavottun.

Vinnuvika starfsfólks í fullri vinnu er 36 stundir. Markmiðið með því er að stuðla að betri heilsu og auka möguleika starfsfólks til að samþætta betur vinnu og einkalíf með bættri nýtingu vinnutíma og gagnkvæmum sveigjanleika.

Æskilegt er að viðkomandi geti hafið störf sem fyrst, eða eftir nánara samkomulagi.

Starfshlutfall er 100%

Advertisement published6. February 2026

Application deadline18. February 2026

Language skills