Tryggingastofnun

Tryggingastofnun er þjónustustofnun sem gegnir lykilhlutverki í velferðarþjónustu Íslands. Hlutverk stofnunarinnar er að framfylgja lögum um almannatryggingar, lögum um félagslega aðstoð og lögum um málefni langveikra barna. Hjá TR starfa um 100 starfmenn með hátt menntunarstig og mikla fagþekkingu. Starfsfólki er boðið upp á nútímalegt vinnuumhverfi þar sem ríkir góður starfsandi, sveigjanlegur vinnutími og mikil samvinna.

About

Sjúkraþjálfari á örorkusvið

Hefur þú brennandi áhuga á velferðar- og heilbrigðismálum? - þá ættir þú að kíkja á þessa auglýsingu því laust er til umsóknar starf sjúkraþjálfa hjá Tryggingastofnun (TR). Um er að ræða spennandi og krefjandi sérfræðistarf í matshópi um samþætt sérfræðimat. Starfið byggir á frumkvæði og þéttu samstarfi í breiðum þverfaglegum hópi sérfræðinga. Starfið felst í mati á umsóknum um örorkulífeyri og þátttöku í mótun og vinnu í nýju samþættu sérfræðimati sem er nýtt mat á örorku.

Helstu verkefni og ábyrgð

Mat, greining og úrvinnsla umsókna um örorkulífeyri
Þátttaka í matsteymi vegna umsóknar um örorku sem byggir á samþættu sérfræðimati
Aðkoma að mati á réttindum til sjúkra- og endurhæfingargreiðslna
Þróun vinnuferla og rafrænnar þjónustu
Skráning og meðhöndlun tölfræðiupplýsinga
Önnur sérhæfð verkefni

Menntunar- og hæfniskröfur

Íslenskst starfsleyfi sem sjúkraþjálfi
Starfseynsla annaðhvort af sviði heilbrigðis- eða velferðarþjónustu er nauðsynleg
Mjög góð hæfni í greiningu, túlkun og framsetningu gagna
Mjög góð samskiptahæfni og jákvætt viðmót.
Faglegur metnaður, lausnamiðuð hugsun og frumkvæði
Mjög gott vald á íslensku og ensku

Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Umsókn skal fylgja ferilskrá og ítarlegt kynningarbréf á íslensku um hvers vegna sótt er um starfið, rökstuðningi um færni viðkomandi til að gegna starfinu og upplýsingar um árangur sem viðkomandi hefur náð í fyrri störfum. Jafnframt skal leggja fram leyfisbréf og staðfestar upplýsingar um menntun.

Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað.

Tryggingastofnun er þjónustustofnun almannatrygginga. Hjá TR ríkir góður starfsandi og boðið er upp á góða vinnuaðstöðu og sveigjanlegan vinnutíma. Karlar jafnt sem konur eru hvött til að sækja um. TR hefur hlotið jafnlaunavottun.

Vinnuvika starfsfólks í fullri vinnu er 36 stundir. Markmiðið með því er að stuðla að betri heilsu og auka möguleika starfsfólks til að samþætta betur vinnu og einkalíf með bættri nýtingu vinnutíma og gagnkvæmum sveigjanleika.

Æskilegt er að viðkomandi geti hafið störf sem fyrst, eða eftir nánara samkomulagi.

Starfshlutfall er 50-100%

Umsóknarfrestur er til og með 26.02.2026

Advertisement published12. February 2026

Application deadline26. February 2026

Language skills