Sérfræðingur á fjármálasviði

Bláa Lónið hf. leitar að öflugum starfsmanni í teymi fjárreiðu á fjármálasviði félagsins. Um er að ræða tímabundið starf vegna fæðingarorlofs og þarf viðkomandi að geta hafið störf fljótlega á nýju ári. Afleysingin miðast við árið 2026 með möguleika á fastráðningu.

Starfið er fjölbreytt og snertir verkþætti þvert á hlutverk innan teymisins sem sér um tekjubókhald allra félaga innan samstæðunnar. Starfið felur m.a. í sér bókun sölureikninga, afstemmingar og söluppgjör í miklum samskiptum og samvinnu við aðrar deildir innan fyrirtækisins.

Menntunar- og hæfniskröfur:

• Viðkomandi skal vera viðurkenndur bókari og/eða hafa reynslu af bókhaldsstörfum.
• Góð þekking á notkun Business Central er mikill kostur.
• Góð almenn tölvukunnátta.
• Nákvæm og vönduð vinnubrögð.
• Frumkvæði og sjálfstæði í vinnubrögðum.
• Þjónustulund og lipurð í mannlegum samskiptum.
• Góð íslensku- og enskukunnátta í töluðu og rituðu máli.

Umsóknarfrestur er til og með 15. desember 2025.

Nánari upplýsingar um starfið veita mannauðssérfræðingar Bláa Lónsins í síma 420-8800.

Bláa Lónið er lifandi og skemmtilegur vinnustaður þar sem áhersla er lögð á sífellda þróun og nýsköpun. Í boði er starf á vinnustað sem býður upp á fjölbreyttar og krefjandi áskoranir. Einnig eru ýmis fríðindi í boði, eins og heilsuræktarstyrkur, þátttaka í einu öflugasta starfsmannafélagi landsins og fleira.

Viðkomandi mun hafa starfsstöð í Urriðaholti í Garðabæ.