Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Sálfræðingur í þunglyndis- og kvíðateymi geðþjónustu

Sálfræðiþjónusta Landspítala vill ráða til starfa metnaðarfullan og sjálfstæðan sálfræðing með góða samskiptafærni og áhuga á fjölbreyttu starfi í þverfaglegu umhverfi.

Í þunglyndis- og kvíðateyminu (ÞOK) starfar þverfaglegur hópur heilbrigðisstarfsfólks. Teymið sinnir greiningu og meðferð fyrir fólk sem er að takast á við alvarlegar kvíðaraskanir og þunglyndi ásamt því að sinna mismunagreiningu þegar um er að ræða fjölþættan geðvanda og þörf á að meta þjónustuþarfir.

Um er að ræða faglega krefjandi starf á spennandi vettvangi fyrir sálfræðinga sem hafa áhuga á nýsköpun og framþróun í starfi. Landspítali er þverfaglegur vinnustaður og býður upp á líflegt starfsumhverfi.

Hjá Sálfræðiþjónustu Landspítala starfa um 80 sálfræðingar í ólíkum þverfaglegum teymum á ýmsum deildum spítalans. Sálfræðiþjónustan er í stöðugri framþróun og unnið að fjölbreyttum umbótaverkefnum. Margvísleg tækifæri til að dýpka þekkingu í greiningu og meðferð. Lögð áhersla á að sálfræðingar á Landspítala fái handleiðslu og símenntun í faginu.

Ráðið er í starfið frá 1. mars 2025 eða eftir nánara samkomulagi.

Education and requirements

Íslenskt starfsleyfi sálfræðings

Þekking og reynsla af sálfræðilegri greiningu og sálmeinafræði

Þekking og reynsla af gagnreyndum aðferðum s.s. hugrænni atferlismeðferð

Áhugi á að vinna í umhverfi spítala og mjög góð samskiptafærni

Hæfni til að vinna sjálfstætt og sýna frumkvæði

Reynsla af þáttöku í þverfaglegri teymisvinnu heilbrigðisstétta æskileg

Góð íslenskukunnátta skilyrði

Responsibilities

Greining, mat og meðferð á geðrænum vanda, gagnreynd sálfræðimeðferð og ráðgjöf

Einstaklings- og hópmeðferð

Námskeiðahald, ráðgjöf og fræðsla

Handleiðsla og þjálfun nema í klínískri sálfræði í samræmi við reynslu

Þátttaka í þróun og uppbyggingu Sálfræðiþjónustu Landspítala

Þáttaka í þróun og uppbyggingu á þverfaglegri teymisvinnu

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Sálfræðingafélag Íslands hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sálfræðingur, teymisvinna

Tungumálahæfni: íslenska 4/5

Nánari upplýsingar

Erla Björg Birgisdóttir, erlabbi@landspitali.is, 697-9026

Sálfræðiþjónusta H

Hringbraut

101 Reykjavík

Advertisement published6. January 2025

Application deadline20. January 2025

Language skills

Icelandic

Required

Very good

Location

Hringbraut 37-41 37R, 101 Reykjavík

Type of work

Professions

Job Tags

Other jobs (50)