Samkeppniseftirlitið

Samkeppniseftirlitið fylgist með samkeppni fyrirtækja í síbreytilegu atvinnulífi landsins. Eftirlitið spornar við óhæfilegum hindrunum og takmörkunum á frelsi í atvinnurekstri, vinnur gegn skaðlegri fákeppni og samkeppnishömlum og auðveldar aðgang nýrra keppinauta að markaðnum. Hjá Samkeppniseftirlitinu starfar fjölbreyttur hópur hagfræðinga og lögfræðinga sem hefur brennandi áhuga á samkeppnismálum.

About

Lögfræðingur með brennandi áhuga á samkeppnismálum

Samkeppniseftirlitið leitar að öflugum lögfræðingi sem hefur brennandi áhuga á að taka þátt í mótun samkeppnisréttar á Íslandi. Lögfræðingar Samkeppniseftirlitsins taka þátt í og bera ábyrgð á rannsóknum og úrlausnum samkeppnismála á ýmsum sviðum atvinnulífsins ásamt því að sinna öðrum áhugaverðum verkefnum og lögfræðilegum úrlausnarefnum á sviði samkeppnisréttar. Um er að ræða fjölbreytt og krefjandi starf sem reynir á trausta lögfræðilega þekkingu.

Helstu verkefni og ábyrgð

Rannsókn og úrlausn samkeppnismála á fjölbreyttum sviðum atvinnulífsins
Greining og úrlausn annarra lögfræðilegra álitaefna
Greiningar á mörkuðum og samkeppnisstöðu fyrirtækja
Skrif álita og skýrslna auk umsagna til Alþingis og ráðuneyta
Þátttaka í erlendu samstarfi

Menntunar- og hæfniskröfur

Embættis- eða meistarapróf í lögfræði
Reynsla af samkeppnis- eða stjórnsýslurétti
Reynsla og þekking á Evrópurétti kostur
Frumkvæði og sjálfstæði við úrlausn viðfangsefna
Góð greiningarhæfni og skipulögð vinnubrögð
Hæfni í samskiptum og þverfaglegri samvinnu
Geta til að vinna undir álagi
Mjög gott vald á íslensku og ensku, í mæltu og rituðu máli. Þekking á Norðurlandamáli kostur
Þekking og áhugi á hagfræði og viðskiptalegum málefnum er kostur

Laun samkvæmt gildandi kjarasamningi sem fjármála- og efnahagsráðherra og hafa gert.

Með umsókn þarf að fylgja starfsferilsskrá og kynningarbréf. Æskilegt er að starfsmaður hefji störf sem fyrst en það er þó samkomulagsatriði.

Öllum umsóknum verður svarað að ráðningu lokinni.

Starfshlutfall er 100%

Nánari upplýsingar veitir

Eva Ómarsdóttir, verkefna- og teymisstjóri - [email protected]
Karítas Margrét Jónsdóttir, rekstrarstjóri - [email protected]

Um Samkeppniseftirlitið

Samkeppniseftirlitið hefur eftirlit með samkeppni fyrirtækja í síbreytilegu atvinnulífi landsins. Eftirlitið spornar við óhæfilegum hindrunum og takmörkunum á frelsi í atvinnurekstri, vinnur gegn skaðlegri fákeppni og samkeppnishömlum og auðveldar aðgang nýrra keppinauta að markaðnum.

Hjá Samkeppniseftirlitinu starfar fjölbreyttur og þverfaglegur hópur sérfræðinga sem hefur brennandi áhuga á samkeppnismálum. Samkeppniseftirlitið leggur áherslu á að starfsmenn þess fái tækifæri til að sinna spennandi verkefnum, þróast í starfi og viðhalda jafnvægi milli vinnu og einkalífs.

www.samkeppni.is

Samkeppniseftirlitið áskilur sér rétt til þess að ráða á grundvelli auglýsingarinnar næstu sex mánuði eftir birtingu hennar, sbr. reglur um auglýsingar á lausum störfum nr. 1000/2019. Við ráðningar hjá Samkeppniseftirlitinu er tekið mið af jafnréttisstefnu og jafnréttisáætlun stofnunarinnar.

Advertisement published30. January 2026

Application deadline9. February 2026

Language skills