Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

About

Ert þú lögfræðingurinn sem við leitum að?

SEÐLABANKI ÍSLANDS óskar eftir að ráða lögfræðing í deild lögfræðiráðgjafar og reglusetninga á sviði háttsemiseftirlits. Starfsmenn deildarinnar sinna fjölbreyttum og krefjandi verkefnum sem tengjast eftirliti með starfsemi eftirlitsskyldra aðila á fjármálamarkaði og innleiðingu EES-gerða í íslenskan rétt. Leitað er að lögfræðingi sem hefur þekkingu á fjármálamarkaði, stjórnsýslu og reglusetningu og vill taka þátt í að þróa og útfæra regluverk og eftirlitsframkvæmd sem stuðlar að traustum og heilbrigðum fjármálamarkaði.

Helstu verkefni og ábyrgð

Lögfræðiráðgjöf þvert á deildir og svið fjármálaeftirlits.
Úrvinnsla lagalegra álita- og úrlausnarmála sem tengjast starfsemi eftirlitsskyldra aðila og regluverki á fjármálamarkaði.
Stjórnsýslumeðferð og þátttaka í málum fjármálaeftirlits.
Aðkoma að innleiðingu EES–gerða í íslenskan rétt.

Menntunar- og hæfniskröfur

Grunn- og meistaranám eða embættispróf í lögfræði.
Þekking á löggjöf á fjármálamarkaði.
Þekking eða reynsla af meðferð og vinnslu stjórnsýslumála.
Reynsla af störfum hjá eftirlitsskyldum aðilum sem tengjast hlítni við löggjöf á fjármálamarkaði er kostur.
Þekking eða reynsla sem tengist innleiðingu EES-gerða í íslenskan rétt er kostur.
Góð færni í mannlegum samskiptum og árangursríkri teymisvinnu.
Frumkvæði, öguð vinnubrögð, greiningarhæfni, sjálfstæði og metnaður til að ná árangri í starfi.
Hæfni til að tjá sig og miðla upplýsingum í ræðu og riti á íslensku og ensku.

Frekari upplýsingar veita Guðmundur Óli Blöndal forstöðumaður lögfræðiráðgjafar og reglusetningar ([email protected]) og Telma Ýr Unnsteinsdóttir mannauðsráðgjafi ([email protected]). Umsóknarfrestur er til og með 2. febrúar 2026.

Um er að ræða 100% starfshlutfall með starfsstöð í Reykjavík. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Advertisement published22. January 2026

Application deadlineNo deadline

Language skills