Leikskólinn Naustatjörn: starfsmaður í leikskóla
Leikskólinn Naustatjörn óskar eftir að ráða starfsmann í leikskóla í 80% til 100% stöður. Um ótímabundna stöðu er að ræða.
Sé starfshlutfall minna en 100% felur starfið í sér að einhverja daga í viku verði viðvera til kl. 16, þó aðrir dagar séu styttri.
Æskileg starfsbyrjun er sem fyrst eða 1. nóvember 2026 eða eftir samkomulag.
Í Naustatjörn er lögð áhersla á að nemendur fái að kljást við margvísleg verkefni í gegnum sjálfssprottinn leik og að þeir læri af eigin reynslu, virkni og áhuga.
Áhersluþættir skólans eru leikurinn, UNICEF og Jákvæður agi. Aðrir áhersluþættir eru náttúra og umhverfi og lífsspeki Fisksins.
Einkunnarorð skólans eru: FESTA
Félagsfærni – Endurnýting – Sjálfstæði – Tillitssemi – Athvarf.
Viltu vita meira? Kíktu í rafræna heimsókn á www.naustatjorn.akureyri.is
Áhugasama bjóðum við velkomna í heimsókn.
Næsti yfirmaður starfsmanns er deildarstjóri.
- Vinna að uppeldi og menntun barna. Fylgjast vel með velferð þeirra og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
- Taka þátt í gerð skólanámskrár og mati á starfsemi leikskólans undir stjórn deildarstjóra og/eða skólastjóra.
- Taka þátt í faglegu starfi skólans undir stjórn deildarstjóra og/eða skólastjóra.
- Vinna í nánu samstarfi við foreldra/forráðamenn barnanna. Sitja fundi sem haldnir eru á vegum leikskólans.
- Óskað er eftir sjálfstæðum, ábyrgum og jákvæðum einstaklingum.
- Mikilvægt er að þeir eigi auðvelt með mannleg samskipti og séu tilbúnir til að takast á við skemmtilegt og krefjandi starf með börnum.
- Viðkomandi þurf að vera sveigjanlegur í starfi og vera tilbúinn að ganga í ýmis störf.
- Reynsla af starfi með börnum er kostur.
- Gott vald á íslensku, bæði í rituðu og töluðu máli, er nauðsynlegt.
- Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.
Icelandic
