Leikskólinn Ösp

Leikskólakennari - leikskólaliði í Ösp

Viltu bætast í frábæran hóp okkar í leikskólanum Ösp?

Leikskólinn er lítill og heimilislegur og starfsemi skólans leggur mikla áherslu á auðugt málumhverfi, vellíðan og starfsaðferðir sem mæta þörfum fjölbreytileika barnahópsins, sem er með ríkan tungumála- og menningarbakgrunn.

Við leitum að starfsmanni í leikskólann Ösp, sem er staðsettur í hjarta Fellahverfisins og stutt í útivistarparadís Elliðaárdalsins. Mikil áhersla er á málþroska og læsi og er öflugt samstarf milli skólanna í hverfinu með það að markmiði að stuðla að jöfnum tækifærum barnanna til að láta drauma sína rætast.

Starfið er fjölbreytt, skemmtilegt, gefandi og getur þú haft áhrif á þau ævintýri sem skapast þar á hverjum degi!

Bæði fullt starf og hlutastarf í boði.

Helstu verkefni og ábyrgð

Vinnur með og tekur virkan þátt í leik og starfi með börnunum á deildinni bæði inni og úti.
Sinnir þeim störfum innan leikskólans, sem yfirmaður felur honum.
Vinnur að uppeldi og menntun leikskólabarna.

Menntunar- og hæfniskröfur

Leikskólakennaramenntun og leyfisbréf kennara.
Góð íslenskukunnátta skilyrði, lágmark á stigi C1 skv. evr. tungumálarammanum
Reynsla af starfi í leikskóla.
Stundvísi og faglegur metnaður.
Frumkvæði, áhugi og vilji til að leita nýrra leiða.
Lipurð og sveigjanleiki í samskiptum.
Sjálfstæð og skipulögð vinnubrögð.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.