Leiðtogi söluteymis - viltu hafa góð áhrif á samfélagið?

Viltu:

• Þróa þig sem leiðtoga í gegnum fjölbreyttar áskoranir
• Hafa mælanleg áhrif á samfélagið á hverjum degi
• Taka þátt í metnaðarfullu og framsæknu fyrirtæki á hraðri uppleið
• Eiga kost á að vera leiðandi í sölustarfsemi hérlendis

Þá gæti þetta verið rétta tækifærið fyrir þig!

Við hjá Takk leitum að metnaðarfullum og drífandi leiðtoga sem vill taka lykilhlutverk í áframhaldandi þróun fyrirtækisins.

Í starfinu berðu ábyrgð á að þróa og stýra söluherferðum í vettvangssölu („face-to-face“ og „door-to-door“) á landsvísu í samstarfi við leiðandi almannaheillafélög. Áherslan er á uppbyggingu teymisins, ekki einungis viðhald.

Starfsemi
Takk er markaðsfyrirtæki sem vinnur með íslenskum almannaheillafélögum að því að gera heiminn að betri stað. Starf okkar einblínir á að skapa rými og stuðning fyrir almannaheillafélög í gegnum ráðgjöf, markaðssetningu, sölu og rekstur. Svo félögin geti einbeitt sér að því sem skiptir mestu máli: Að hjálpa þeim sem mest þurfa á því að halda.

Starfsumhverfi
Við setjum starfsánægju í efsta sæti og leggjum mikið upp úr öflugu félagslífi, samvinnu, sanngjörnum launakjörum, jafnrétti og sjálfstæði í starfi. Við sýnum þetta í verki og hefur það skilað okkur fjölda viðurkenninga fyrir framúrskarandi starfsánægju, ásamt vottun fyrir að vera samfélagslega ábyrgt fyrirtæki (B Corp), eins og sjá má á vinnustaðasíðunni okkar.