Kerfisstjóri

Menntasjóður námsmanna óskar eftir að ráða lausnamiðaðan einstakling með góða þjónustulund í stöðu kerfisstjóra. Kerfisstjóri ber ábyrgð á öruggum og áreiðanlegum rekstri upplýsingakerfa. Um fullt starf er að ræða, æskilegt er að viðkomandi geti hafið störf 15. janúar 2026.

Helstu verkefni og ábyrgð:

• Rekstur og viðhald upplýsingakerfa
• Samskipti við hýsingaraðila um rekstur á búnaði tengdum upplýsingakerfum s.s. netbúnaði, netþjónum o.fl.
• Samskipti og þjónusta við notendur innan stofnunarinnar
• Uppsetning, viðhald og rekstur Windows netþjóna og Microsoft lausna (M365)
• Öryggis- og gæðamál fyrir gögn og upplýsingakerfi
• Þátttaka í innleiðingum og sérverkefnum

Menntunar- og hæfniskröfur:

• Menntun í upplýsingatækni, s.s. í tölvunarfræði, kerfisfræði eða af öðru sambærilegu sviði
• Reynsla af rekstri UT-kerfa fyrirtækja og þjónustu við innri notendur
• Þekking á Microsoft 365, Windows Server, Active Directory og almennum notendahugbúnaði
• Grunn þekking á netkerfum og innviðum
• Góð færni í mannlegum samskiptum og þjónustulund
• Mjög góð íslensku- og enskukunnátta, bæði í rituðu og töluðu máli

Menntasjóður námsmanna er félagslegur jöfnunarsjóður sem hefur það að markmiði að tryggja námsmönnum í lánshæfu námi jöfn tækifæri til náms, án tillits til efnahags og stöðu að öðru leyti, með því að veita námsmönnum fjárhagslega aðstoð í formi námslána og styrkja. Hjá MSNM starfa um 30 starfsmenn. Gildi sjóðsins eru: fagmennska, samstarf og framsækni. Nánari upplýsingar má finna á www.menntasjodur.is.

Umsóknarfrestur er til og með 8. desember 2025. Umsókn óskast fyllt út á www.intellecta.is og þarf henni að fylgja starfsferilskrá og ítarlegt kynningarbréf (hvort tveggja á íslensku), þar sem gerð er grein fyrir ástæðu umsóknar og hæfni umsækjanda sem nýtist í starfi. Áhugasamir einstaklingar, óháð kyni, eru hvattir til að sækja um starfið. Laun eru samkvæmt kjarasamningi fjármála- og efnahagsráðherra við Visku stéttarfélag. Athygli er vakin á því að umsóknir gilda í 6 mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu hefur verið tekin.

Upplýsingar veitir Birna Dís Bergsdóttir ([email protected]) í síma 511 1225.