Kennari – ýmis fög

Víkurskóli óskar eftir að ráða til starfa kennara sem gæti tekið að sér enskukennslu, kennslu í samfélagsfræði á unglingastigi, textílkennslu og valgreinar á unglingastigi. Aðrar greinar koma jafnframt til greina. Um fullt starf er að ræða.

Um Víkurskóla

Í Víkurskóla er leitast við að búa nemendum hvetjandi námsumhverfi. Áhersla er lögð á samstarf kennara og annarra starfsmanna um fjölbreytta kennsluhætti. Víkurskóli er heilsueflandi skóli og vinnur í anda uppbyggingarstefnunnar, Uppeldis til ábyrgðar. Víkurskóli er jafnframt einn af jarðvangsskólum Kötlu Geopark. Lögð er áhersla á samvinnu og sameiginlega ábyrgð starfsmanna á verkefnum skólans. Skólinn hefur um árabil tekið þátt í fjölþjóðlegu samstarfi í gegnum Erasmus+.

Helstu verkefni og ábyrgð:

• Almenn kennsla
• Taka þátt í uppbyggingu og mótun skólastarfsins
• Stuðla að velferð nemenda í samstarfi við foreldra og fagfólk
• Vinna samkvæmt stefnu skólans
• Vinna að því að skapa góðan skólabrag

Menntunar- og hæfniskröfur

• Leyfisbréf til kennslu
• Góð íslenskukunnátta á stigi C1 samkvæmt evrópska tungumálarammanum
• Góð færni í samvinnu og samskiptum
• Frumkvæði, sjálfstæði og skipulögð vinnubrögð
• Áhugi á að starfa með börnum og metnaður til að þróa öflugt skólastarf

Við bjóðum upp á:

• Aðstoð við flutning og öflun húsnæðis fyrir fagfólk
• Mjög góður starfsandi og liðsheild
• Fjölbreytt og öflugt skólastarf

Umsóknarfrestur til og með 1. júní nk. Staðan eru laus frá 1. ágúst 2025. Umsókn óskast fyllt út á www.intellecta.is og þarf henni að fylgja ítarleg starfsferilskrá og kynningarbréf þar sem gerð er grein fyrir hæfni umsækjanda sem nýtist í starfi. Launakjör eru samkvæmt samningi LN og viðkomandi stéttarfélags. Umsóknir gilda í 6 mánuði frá því að umsóknarfrestur rennur út. Öllum umsóknum verður svarað að ráðningu lokinni.

Nánari upplýsingar veitir Elín Einarsdóttir skólastjóri í síma 4871242 / 7761320, jafnframt heimasíða skólans www.vikurskoli.is.