Grindavíkurbær

Í Grindavík er samhent og metnaðarfullt samfélag þar sem nálægð og samvinna einkenna daglegt líf. Á sama tíma stendur yfir uppbygging sem felur í sér einstakt tækifæri til að hafa áhrif og taka þátt í mótun framtíðar samfélagsins. Hjá Grindavíkurbæ starfar öflugur hópur fólks þar sem fagmennska, samvinna og lausnamiðuð hugsun eru í forgrunni. Lögð er rík áhersla á að veita framúrskarandi þjónustu og skapa umhverfi þar sem starfsfólk fær tækifæri til að vaxa og hafa raunveruleg áhrif.

About

Kennarar óskast til starfa við nýjan samrekinn leik- og grunnskóla

Nýr samrekinn leik- og grunnskóli í Grindavík leitar að kennurum fyrir skólaárið 2026-2027. Um er að ræða 100% stöður.

Lögð verður áhersla á skapandi skólastarf og samvinnu kennara og nemenda þar sem fjölbreyttir kennsluhættir og vellíðan nemenda verða í fyrirrúmi. Læsi og leiðsagnarnám munu jafnframt skipa stóran sess í skólastarfinu.

Skólinn tekur til starfa 1. ágúst 2026 og gert verður ráð fyrir börnum og nemendum frá 12 mánaða aldri til 10. bekkjar. Ef þú vilt taka þátt í því spennandi verkefni að endurbyggja metnaðarfullt skólastarf í Grindavík, þá erum við að leita að þér.

Helstu verkefni og ábyrgð

Skipuleggja nám og kennslu nemenda
Leitast við að skapa kennsluaðstæður sem eru hvetjandi til náms og þroska
Stuðla að velferð nemenda í samstarfi við foreldra og annað fagfólk
Teymisvinna og þverfaglegt samstarf
Vinna að þróun skólastarfs í samráði við stjórnendur og samstarfsfólk
Sinna öðrum þeim verkefnum er varða menntun barna sem yfirmaður felur honum

Menntunar- og hæfniskröfur

Kennaramenntun og leyfisbréf til kennslu
Einlægur áhugi og metnaður á að starfa með börnum og ungmennum
Jákvæðni og áhugi á að starfa í skapandi og metnaðarfullu umhverfi
Þekking og hæfileikar til að vinna að framsæknu skólastarfi
Sveigjanleiki og framúrskarandi hæfni í samskiptum
Faglegur metnaður, frumkvæði og sjálfstæði í vinnubrögðum
Stundvísi og samviskusemi
Mjög góð íslenskukunnátta er skilyrði

Launakjör eru samkvæmt gildandi samningum Sambands íslenskra sveitarfélaga og KÍ.

Öllum umsóknum skal fylgja greinargóð ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu. Einnig skal leyfisbréf fylgja umsókn. Einungis er tekið við rafrænum umsóknum í gegnum ráðningarvef sveitarfélagsins.

Nánari upplýsingar veitir Guðlaug Erlendsdóttir, skólastjóri á netfanginu [email protected] og í síma 845-5121

Þau sem ráðin eru til starfa nýjum samreknum leik- og grunnskóla þurfa að veita heimild til að leitað sé upplýsinga úr sakaskrá hjá Ríkissaksóknara.

Við hvetjum öll áhugasöm til að sækja um, sérstaklega þau sem hafa áhuga á að taka þátt í áframhaldandi uppbyggingu samfélagsins í Grindavík.

Advertisement published15. May 2026

Application deadline31. May 2026

Language skills